FEATUREDIkus LiuNewsPolitika

Klibur Professional Saúde P.KHUNTO Apoia Kandidatura PR ‘Mana Berta’

Fahe Tutan

Naunil Media (Díli), Liu husi konferensia imprensa, iha Salaun Esperansa, Elemloi, Sesta (25/02) ne’e, Klibur Profissional Saúde (KPS) Partidu KHUNTO, deklara fó apoia ba kandidatura Prezidente Repúblika (PR) period 2022 – 2027, Armanda Berta Dos Santos ‘Mana Berta’.

Portavos, Celina Araújo da costa, hatete, KPS Partidu KHUNTO suporta ‘Mana Berta’  atu ba PR mandatu tinan lima (2022 – 2027) oin mai tanba haree husi kapasidade no núdar feto ida ne’ebe brani atu liberta rai doben Timor- Leste liu husi esperensia servisu mak durante ne’e halao ona.

“Mana Armanda Berta dos Santos hanesan feto Clandestina ida ne`ebe luta ba independecia Timor-Leste nian, liu husi involvement organizasaum klandetina FITUN. Hanesan mos autor ne’ebe hamrik hodi luta no fó nia kontribuisaun real ba ukun rasik an Timor-Leste nian, núdar Vice OMPT organizasatun FITUN nian”, Celina deklara

Nia hatutan, “dezde inísiu tempu ukun rasik an to’o ohin loron, ‘Mana Berta’ fo ona nia kontribuisaan lubuk ida ba nasaun ida ne’e”.

“Dadaum asumi kargus principais Solidaridade Social no Inklujaun, no iha fulan fevereiru tinan ida ne’e, ho aujensia sua exelencia Primeru Ministro Taur Matan Ruak, Dra Armanda Berta dos Santos mos sai hanesan primera feto ne’ebe asumi kargu Primera Ministra Interina iha Nasaun Republika Demokratika Timor-Leste”, tenik nia  

Portavoz ne’e esplika, hanesan Primeira, “Ami haree laiha duvida ho nia kapasidade atu resolve no buka solusaun problemas sira, hamutuk ho Ministerio da Saude, Ministerio da edukasaun no Ministerio Solidade Social, liu -liu haree ba iha moras pandemia Covid-19 no agora dadaun hasoru hela moras Dengue”.

“Problemas ba benefisiairiu sira hanesan ba idozus sira, bolsa da mae,subsidiu uma kain, dejastre natural sira no problemas sociais sira seluk nebe nia konsegue resolve”, salienta porta voz ne’e.  

Ikus, portavoz ne’e dehan, “Ami Klibur Professional Saúde iha momentu ida ne’e ami afirma ami nia pozisaun firme hodi fo apoiu tomak 100% bá ami nia kandidatura ‘Mana Berta’ hodi bele kompete bá iha eleisaun prezidensial bá períodu tinan 2022-2027”. Ana

Leave a Reply

Your email address will not be published. Required fields are marked *