FEATUREDIkus LiuNewsPolitika

PR “Lú Olo” Sei Ferias Husi 28 Fevereiru To’o 16 Marsu 2022

Fahe Tutan

Naunil Média (Dili), Prezidente Repúblika (PR), Francisco Guterres “Lú Olo” sei foti fetias anuais durante loron sanulu resin-rua (12) hahú husi loron 2-16 Marsu 2022.

“Tuir Estatutu Titulares Órgauns Soberania, (númeru 4 artigu 10, Lei n°7/2007, 25 Jullu altera husi Lei n°7/2017, 26 Abril), tinan-tinan, titular no membru órgaun soberania sira iha direitu ba períodu ferias loron 30”, dehan liu husi Komunikadu ne’ebé Naunil Media asesu iha media Prezidensiál Repúblika, Sexta (25/02).

Maibé, tanba motivu servisu tinan-tinan Prezidente Repúblika, Francisco Guterres “Lú Olo”, la hasai férias tuir lei determina.

Liu husi  karta ho data  21 fevereiru 2022, Prezidente Repúblika informa ba Prezidente Parlamentu Nasionál katak sei goza férias iha 28 fevereiru no mós  iha loron úteis husi 1 to’o 16 Marsu 2022 iha territóriu nasional.

Tanba Prezidente Repúblika órgaun unipesoál (ema ida de’it mak kaer), nia sei hala’o nafatin ninia knaar tuir Konstituisaun haruka durante períodu ferias ne’e. *Jos

Leave a Reply

Your email address will not be published. Required fields are marked *