Timoroan 96 Sei Aranka ba Servisu iha Korea Súl
Naunil Media (Díli), Sekretaria Estadu ba Formasaun Profisionál no Empregu (SEFOPE) liu hosi Diresaun Nasionál Empregu Exteriór (DNEE), hala’o ona serimónia despedida no asina deklarasaun ho família traballadór timor-oan hamutuk na’in-96.
Tuir planu trabalhador sira Timoroan sei aranka ba iha 28 Fevereiru ne’e.
Diretór DNEE Filomeno Soares, hateten, SEFOPE ho traballadór sira-nia família asina ne’e nu’udar kompromísiu hatudu família nia prontidaun hodi husik nia oan sira ba servisu iha Korea Súl.
“Nune’e mosu problema ruma, parte rua iha hotu responsabilidade atu rezolve”. Hateten Diretor ne’e, liu husi nia deklarasaun iha Salaun DNEE,Becora, Sesta (25/02).
Nia apela ba família husi traballadór halo distansiamentu ba oan sira mak atu ba servisu iha rai-liur.
Família traballadór, Laura de Sousa Carvalho, sente orgullu tanba nia alin Damião de Sousa Carvalho bele ba servisu iha Korea Súl.
“Esforsu tomak nia bele hetan oportunidade husi governu liu husi SEFOPE ne’e,no ohin loron família bele asina deklarasaun”, tenik nia
Traballadór, Almerino Afonso ne’ebé sei servisu iha área Peskas, mos kontente no triste mos servisu dok husi familia.
“Fila mai, hau hakarak kontinua fali estudu”, dehan traballador refere. Ana
