TTIIEP Diskute Risku Dezastre Naturais Ho Taur Matan Ruak

Naunil Média (Díli, Traballu Tekniku ba Identifikasaun Infraestrutura no Ekipamentus Publiku (TTI IP), hasoru malu ho Preimeiru Ministru (PM), Taur Matan Ruak diskute kona-ba deszastre naturais.

 Hafoin hasoru malu ho PM Taur Matan Ruak, Kordenadór TTIEP, Benjamin Hopffer Martins, hateten, Atu aborda liu kona-ba kestaun risku no ba oin bele hari’i infraestrutura ne’ebé bele dura.

“ PM Taur Matan Ruak aborda liu tan kona-ba kestaun risku dezastre nian,  oin ita bele hari’i infraestrutura sira ne’ebe mak bele dura, tanba ne’e mak iha tempu ida ne’e ami ko’alia kona-ba politika Governu nian atu bele reforsa liu tan halo planu asaun ida ne’ibe mak integra entidade hot-hotu hamutuk hala’o aktividade sira ne’e ho objektivu ida atu redus risku sira”. Dehan Kordenadór Grupu TTIIEP Benjamin Hopffer Martins ba jornalista sira, iha Palasiu Governu, Sexta, (25/02).

Nia hatutan, La’os ba dezastre natural de’it, maibe risku sira seluk ne’ebe mak ita nia Sosiedade bele hasoru, ida ne’e mak ohin hato’o ba PM, maibe entidade balun iha liur hato’o hela relatoriu mai kona-ba impaktu infraestrutura sira ne’ebe mak ita halao to’o agora infrenta problema barak.

Enkuantu orientasaun espesifika mak ko’alia atensaun kona-ba rezolusaun dezastre nian, ne’ebe atu enkuadra iha politika Governu nian oinsa bele hala’o kna’ar ida ne’e ho efetivu liu tan, tanba ida ne’e afeta la’os infraestrutura de’it.

“ Ha’u hanoin ida ne’e iha aspetu ida infraestrutura hanesan ponte balun be’e tun mai sulan tiha ponte kuak halo be’e la liu komesa sulin ba sorin-sorin, ida fali oinsa ita okupa rai ne’e”. Nia sublina

Kordenadór ne’e relata, La’os sala infraestrutura, dalaruma ita mos foti desijaun ne’ebe mak kontribui natureza nia lala’ok, aleinde ne’e la’o rai leten ne’e mos tama ba rai, iha kestaun ne’e ita tenki hare’e ba futuru ne’e labele akontese inundasaun.

“ Risku ne’e iha ligasaun ho ita nia rai, ita nia rai lolon mak barak depois mota mos barak, mota nia karakteristika mos ita seida’uk konese di’ak, rai lolon ne’e mós ita seidauk konese, ne’ebe hau hanoin primeiru ne’e ita tenki estuda di’ak fali natureza ne’e oinsa, atu nune’e fo solusaun ne’ebe di’ak,” Tenik nia.

Se la estuda mak implementa ida modelu ne’ebé mak hare’e ba kapas, dalaruma ho rai ne’e la simu malu hodi kria fali impaktu balun hanesan projetu balun halo kualidade di’ak, maibe nia la enkoadra ho di’ak hodi halo be’e bele sobu rai bele halai ida ne’e mak ita hasoru to’o agora, Nia hakotu, LTS