Nova Zelándia Sei Apoia Polisiamentu Komunitária Durante Tinan Tolu

Fahe Tutan

Naunil Media (Dili), Vise Ministru Interiór, (V-MI), António Armindo hala’o enkontru ho Embaixadór Nova Zelándia Philip Hewitt, diskute kona-bá kooperasaun hodi haree ba seitór seguransa liu-liu dezenvolve Polísia Nasionál Timor-Leste (PNTL) espesifikamente Polísia Komunitária iha tinan tolu nia laran.

Governu Nova-Zelándia iha komitmentu boot ba seitór seguransa iha Timor-Leste, hodi kontinua apoia Polisiamentu Komunitária.

VMI, António Armindo agradese ba tulun ne’ebé durante ne’e Timor-Leste hetan hosi Nova Zelándia, tanba kontinua apoia Guvernu Timor-Leste iha seitór seguransa nian.” V-MI Antonio Armindo iha, Edifisiu Ministeriu Interior, Sexta, (25/02).

“ Agradese ba Guvernu Nova-Zelándia liu hosi Embaixadór iha TL ne’ebé esforsu nafatin hodi apoia Governu TL iha área segurasa nian. Ita hatene katak, durante tinan 20 nia laran sira nafatin dezenvolve programa kooperasaun ne’ebé foka liu ba polisiamentu komunitária,”  Nia Agradese.

Nova-Zelándia asina ona akordu hodi fornese fundu ba Fundasaun Ázia The Asia Foundation atu kontinua servisu hamutuk ho PNTL hodi hadi’a setór seguransa iha TL liu hosi lansamentu Planu Asaun Munisípal ba PNTL ne’ebé sai hanesan instrumentu importante ida ba Komandante Munisípiu sira atu kontinua integra Polisiamentu Komunitária nu’udár medida preventiva ida nomós hakbesik an iha komunidade. Ana

Leave a Reply

Your email address will not be published.