LAT: FRETILIN Komesa Ameasa Duni Sai Espoza Lere Husi Estrutura

Fahe Tutan

Naunil Media (Díli), Generál Reformadu Lere Anan Timur (LAT) hateten,  Partidu Frente Revolusinario Timor-Leste Independensia (FRETILIN), hahú ameasa atu duni sai espoza LAT husi estrutura Partidu.

General reformadu Lere Anan Timur hato’o lia hirak ne’e liu husi diskursu bainhira halo abertura ba formasaun fiskais sira husi munisípiu 12 inklui RAEOA, iha Salaun Delta Nova, Tersa (01/03).

“Imi nia kandidatu laiha osan atu mai fahe ba imi ida-idak, ohin loron ema ne’ebé iha osan komesa bosok tun bosok sa’e, komesa fahe osan hakarak sosa ema nia lia loos ema nia justisa hakarak hanehan lia no justisa ho osan, ate ha’u nia partidu rasik FRETILIN ne’ebá komesa ameasa ona sé mak apoiu Lere sai, ha’u nia feen mós sira ameasa tan dehan ha’u nia feen labele apoia ha’u”,  dehan LAT.

Eis Tenente General ne’e hatutan, Komité Central Fretilin halo reuniaun hateten sé mak apoiu Lere sai husi estrutura partidu, maibé labele sai husi partidu FRETILIN

“Horseik Komité Central Fretilin reuniaun dehan sé mak apoiu Lere sai, sai husi estrutura mas labele sai husi Fretilin, sé ha’u nia feen apoia ha’u mós duni sai, ha’u dehan o sai husi estrutura labele sai husi Fretilin, tanba Fretilin la’ós ema ida nian”, katak Eis Tenente General.

Lere Anan Timur hateten labuat ida, ne’e dehan polítika foer mak ida ne’e, polítika nunka moos mas ema ne’ebé hakarak serbí rai no povu tenke la’o iha dalan loos, se lae se mak terus povu no emprezariu sira mak terus no joven sira mak sei lakon sira nia futuru.

LAT esplika,  Sira moral laiha no sira halo arbiru de’it, sira konfia a’an tanba iha osan, sira hanoin katak Fretilin ne’e sira nian, sira ne’ebá ne’e mai aproveita de’it, aproveita ema halo uma sira mai hela de’it iha laran, maibé larekoñese ema sira ne’ebé terus ba uma ne’e. Tuir orariu kampaña ba kandidatu ho númeru 8 ne’e hahú iha Munisípiu Manatuto parte Lorosa’e, rai klaran, parte Loromonu, RAEOA no sei ensera iha Kapitál Dili. *Jos

Leave a Reply

Your email address will not be published.