Anacleto: Eleitu ba PR Lori Dezenvolvimentu ba TL

Fahe Tutan

Naunil Media (Ermera), Kandidatu Prezidente Repúblika husi partidu Demokrátika Repúblika de Timor (PDRT),  ho númeru sorteiu 5 Anacleto Bento Ferreira bainhira  eleitu ba prezidente Repúblika (PR),  sei oferese mudansa ba sistema atual ne’ebé mak ladún di’ak ba dezenvolvimentu nasaun Timor-Leste.

“Programa prioridade partidu PDRT nian mak programa nasionál, no programa ne’ebé mak polítika nasionál nian mak atu halo normalizasaun ba normas rekonstitusionais nian,  atu halo aplikasaun dezafius dos artigus ne’ebé mak mandatu estikula iha konstitusionál da Repúblika demokrátika de Timor-Leste (K-RDTL)”, dehan kandidatu Prezidente Repúblika PDRT Anacleto Bento Ferreira ba jornalista hafoin halo Dortudor iha Atsabe,  kuarta (02/3).

Kandidatu prezidente PDRT hatutan, Prioritariu mai Atsabe nu’udar ema atsabe oan mak iha vontade ida hodi obriga ha’u atu kandidata a’an mak ba realidade moris no estrada

“Ita tenke sublina buat ne’ebé mak di’ak, no durante okupasaun ita mai Atsabe ladún difisil hanesan agora ukun rasik an”, Nia sublina.

Nia hateten, nasaun Timor-Leste nia independensia tinan 20 ona,  nu’udar Atsabe oan individual ba ha’u senti arependidu, tanba tinan ba tinan agora 20 anus ona,  fó hau nia votus ba partidu seluk-seluk no maun sira seluk reprezenta Atsabe nian iha nivel partidu nian.

Tanba ne’e ha’u nia vontade teb-tebes ho rekursu no kapasidade ne’ebé mak hakarak halo kontribuisaun ida liu husi ha’u nia partidu,  no ha’u hetan meius husi partidu para bele marka diferensia ida, dehan nia.

Enkuantu kandidatu prezidente PDRT aprova ba Atsabe oan tomak haree ba realidade,  labele haree ba polítika, no labele haree ba partidu ida, ne’ebé tenke iha komprimisiu ba an rasik nu’udar Atsabe oan para bele muda Atsabe nia moris. LTS

Leave a Reply

Your email address will not be published.