António Armindo: PNTL Laiha Kompetensia Bandu Inan Aman Lori Oan ba Kampaña

Fahe Tutan

Naunil Media (Díli), Vise Ministru Interior António Armindo hateten,  Polísia Nasionál Timor-Leste (PNTL),  laiha kompetensia atu bandu inan aman lori labarik kiik ba tuir Kampaña, maibé CNE no STAE mak tenke halo sensibilizasaun sivika.

Vise Ministru Interior António Armindo hato’o lia hirak ne’e ba jornalista sira hafoin aktualiza situasaun kampaña ba Primeiru Ministru (PM) Taur Matan Ruak iha Rezidensia ofisiál PM Farol, Sexta (04/03).

“Polísia laiha kompetensia para ba bandu se nu’udar inan ida lori nia oan,  polísia labele ba bandu katak hatun hela labarik inan mak ba partisipa kampaña, maibé ne’e sensibilizasaun civika ida husi CNE no STAE para bele fó hatene ba kandidatu sira para fó hanoin ba militante no apoiantes sira katak,  labarik ne’ebé mak kiik labele lori ba fatin kampaña”,  dehan VMI António Armindo.

VMI hatutan,  Atu evita inan aman lori labarik kiik ba tuir Kampaña ne’e servisu Comisão Nacional Eleisões (CNE) nian,  para fó hatene ba partidu polítiku sira atu fó hanoin ba militante sira,  katak tuir kampaña labele lori labarik sira ne’ebé mak minoridade atu partisipa iha kampaña.

António Armindo mós hateten,  Partidu polítiku sira iha hanoin no hatene katak kiik oan ne’e labele lori ba tuir kampaña, ema sira ne’ebé mak idade 18 ba leten mak ba partisipa kampaña,  hodi rona programa sira ne’ebé mak kandidatu sira aprezenta para too votasaun karik hili.

Nia dehan,  Labarik kiik oan ne’e sira laiha direitu para atu ba partisipa fali kampaña,  tanba tuir nia katak konsensia sidadaun hotu-hotu tenke hanoin partidu polítiku no mós kandidatu sira durante sira nia kampaña mós sira tenke fó avizu ba militante sira, katak maske iha loron primeiru no segundu labarik barak nune’e husu ba kandidatu sira para fó  hanoin ba militante no apoiantes sira,  katak loron tuir tan mai ne’e labele lori labarik minoridade ne’e ba partisipa kampaña tanba ne’e la tuir ona regras. *Jos

Leave a Reply

Your email address will not be published.