PDRT Fiar A’an Marka Diferensia iha Eleisaun Prezidensiál 2022
Naunil Media (Manufahi), Kandidatu prezidente partidu demokrátiku Repúblika Timor (PDRT), Anacleto Bento Ferreira hateten, PDRT fiar nia an sei marka diferensia iha eleisaun prezidensiál ba periodu 2022
“Nu’udar partidu ida para sai forsa alternativa foun, no la’ós ona hanesan alternativa ne’ebé mak eleisoes hirak liu ba hetan tiha vitória maibé depois la sai alternativa ba mudansa no la buka povu nia moris di’ak, maibé alternativa ne’ebé kontaminadu tiha ho partidu boot sira ne’ebé ukun”, dehan kandidatu prezidente PDRT Anacleto Bento Ferreira iha nia diskursu hafoin hala’o mini kampaña iha Same, Kinta (03/03).
Nia hatutan, PDRT tenke hamrik nu’udar alternativa foun ida ne’ebé mak sei ba ho fiar an no prinsipiu rasik, ita la’ós buka kadeira maibé ita faan programa no ita sai alternativa ba mudansa.
Iha sorin seluk hanesan prezidente partidu PDRT Agustinho tinolina hateten, Tanba sá mak partidu kandidata ita nia líder no fundus mellor kuadru ba prezidente Repúblika ne’e atu hatudu dehan katak PDRT iha kondisoes tomak para atu kaer ukun.
Kaer ukun komesa husi Presidente Repúblika ba to governu, ida ne’e mak ita nia afirmasaun, dehan nia.
Ha’u ba buka polítika ne’e oinsá mak bele halo polítika, no polítika ne’e mak saida. Polítika ba povu nia moris di’ak, laiha buat seluk, nia hakotu. LTS
