Nu’udar Maun Alin, Taur Ho Lere Hasoru Malu Iha Farol

Fahe Tutan

Naunil Media (Dili), Ohin Primeiru Ministru (PM) Taur Matan Ruak, hasoru malu ho Tenente Jenerál Reformadu, Lere Anan Timur, Iha rejidensia Farol, Hanesan maun-alin mai kumprimenta malu de’it no parabéns tamba bele kontribui ba sussesu Eleisaun Prezidensial periodu tinan 2022-2027.

PM Taur hato’o lia hirak ne’e hafoin hasoru malu iha rezidénsia Lere Anan Timur, Faról, segunda,(21/03/).

Remata hasoru, Lere Anan Timur hateten,  konabá hetan vizita husi atuál Primeiru Ministru Taur Matan Ruak nian iha nia rezidénsia.

Ohin Taur mai, ne’e la’ós PM mak mai, maibé ne’e hanesan alin mak mai, tambá nia hatene katak ha’u la passa ba prezidente, hanesan alin mai solidariza, ami la iha assuntu seluk’’, Esplika Lere.

Nia mós afirma katak, sei la akontese problema husi nia militante no simpatizante bainhira rona rezultadu final.

‘’Sira sente la konfortável, maibé hau komprenede katak nasaun ne’e ita mak harii nune’e la iha problema, ita servisu hamutuk, ita nia demokrasia tenke buras, labele buras ho osan no lia-bosok’’, Haktuir, Lere Anan Timur.

Iha kontájem votu provizóriu, iha possibilidade bo’ot sei akontese II volta, eleisaun prezidensiál 2022 ne’ebé sei avansa kandidatu Francisco Guterres Lú-Olo no Ramos Horta, Maibe to’o dadauk ne’e Lere seidauk iha pozisaun. LAT

Leave a Reply

Your email address will not be published. Required fields are marked *