FEATUREDIkus LiuNewsPolitika

Ramos- Lú’Olo Avansa Segunda Volta, “Lere” Seida’uk Iha Desizaun Atu Apoia

Fahe Tutan

Naunil Média (Díli), Kandidatu Prezidente da Republika periodu tinan 2022-2027, Jeneral Lere Anan Timur, hanesan kandidatu forte entre Kandidatu 15, ne’ebe konkore iha Eleisaun Prezidensial ne’ebe foin liu ba dada’auk. 

Iha rejultadu eleisaun Prezidensial ne’e kandidatu Prezidente da Republika ho numeru sorteiu 8 Jeneral Lere Anan Timur, la konsege haka’at ba segunda volta tanba lakon votus ho kadidatu Prezidente da Republika, Jose Ramos Horta ne’ebe hetan apoia hosi Partidu CNRT no Francisco Guterres Lú’Olo ne’ebe apoia hosi Partidu Istoriku FRETILIN.

Dadauk ne’e sai preokupasaun publiku li-liu apoiantes hosi Kandidatu Prezidente Republika Jeneral Lere Anan Timur atu ba hambrik hamutuk ho Lú’Olo ka Ramos horta iha palku politika eleisaun Prezidensial iha segunda volta ne’e.

Nune’e liu hosi komunikadu impresa ne’ebe hala’o iha Sede nasional Kandidatura Lere Anan Timur, iha pantai kelapa, Tersa, (22/03).

Porta Vos Kandidatu Prezidente da Republika Flavio Udan Bo’ot, Informa, Jeneral Lere Anan Timur, nafatin halo hela obeversaun no leitura  politika mak foin hola desizaun.

” Informa de’it katak ita sei iha hela tempu balun atu hein desijaun ofisial hosi Tibunal Rekursu (TR), kona-ba rejultadu hosi eleisaun ida ne’e, Nune’e Jeneral nafatin halo nia obeservasaun no leitura politika  sei foti hela tempu balun atu bele hanoin tanba sistuasaun ida ne’e importante tebes ba Jeneral atu hanoin hodi halo desijaun ruma,” Tenik Udan Bo’ot.

Nune’e husu ba apoiantes sira atu mantein nafatin pasiensia hodi hein orientasaun ruma hosi Jeneral Lere Anan Timur ba servisu ne’ebe nia presiza halo relativa ho situasaun politika.

Nia haktuir, Jeneral Lere Anan Timur, sempre aberta omilde hakarak rona ema hotu.

” Nune’e Jeneral sei uza hotu matenek ne’ebe iha atu foti desijaun ne’ebe mak di’ak la’os de’it ba interese politika maibe interese povu, tanba povu mak sai hanesan alvu,” Haktuir Porta voz ne’e.

Obejetivu estratejiku hosi Jeneral Lere Anan Timur, iha kampanha mak dilogu, Lider ho Lider, povu ho Povu, povu lider sira.

Jeneral mos apela ba publiku atu kontinua mantein, paz no estabilidade, disiplina fo fiar nafatin ba autoridade kompetente sira hodi hein anunsiu ofisial, depois hare’e prosesu ba oin. Latu

Leave a Reply

Your email address will not be published. Required fields are marked *