Traballadór Na’in-23 Aban Aranka Ba Aústralia

Naunil Media (Dili), Sekrétariu Estadu e Formasaun Profesionál Empregu (SEFOPE),  liu-husi nia Diresaun Nasionál Empregu Exterior (DNEE), sei haruka traballadór hamutuk na’in-23 sei aranka ba servisu iha Austrália.

“ Ohin Seremónia assina deklarasaun ho família traballadór na’in-23, atu ba serbisu iha nasaun Austrália, traballadór sira ne’e sei aranka ba Austrália aban kinta loron 30 Fulan ne’e, ba etapa dahuluk nian,” Dehan Diretór DNEE, Filomeno Soares,iha Salaun DNEE Bekora, Tersa (29/03).

Diretór ne’ehaktuir,  serimónia ne’ebé halo atu oinsá parte husi Governu no família hodi assina deklarasaun atu sai hanesan komitmentu ida katak, inan-aman no família prontu ona husik sira-nia oan, la’en husi sira nia le’et atu ba servisu iha ema nia rain.

Tanbá ne’e, la’ós Governu mak obriga timoroan atu ba servisu, maibé Governu kria kondisaun de’it, oprotunidade ne’e traballadór sira mak aproveita.

Enkuantu, traballadór sira ne’ebé atu aranka ba Aústralia ho totál ema na’in-23, kompostu husi traballadór foun na’in-5 no traballadór tuan na’in-18 iha feto na’in-4 no mane na’in-19, sei destaka ba Kompaña, Freshwater Quality Management ho totál ema na’in-6, feto na’in-4 no mane na’in-2, Costa Farm ho totál ema na’in-12, kompostu husi mane hotu, Brockfield ho totál ema na’in-5 kompostu husi mane hotu, traballadór sira ne’e destaka iha area Hortikultura no Area Hospitalidade.

Maske nune’e iha mós traballadór sira ne’ebé sei aranka ba Aústralia iha etapa daruak nian ho totál ema na’in-17, kompostu husi traballadór foun na’in-3 no tuan na’in-14 sei destaka ba Kompaña Costa Farm, no  Brockfield, “traballadór parte daruak nian, sira sei aranka ba Aústralia iha Sesta loron 01 Fulan ne’e,”

Diretór DNEE, Filomeno Soares, Informa tan, antes ne’e, traballador hala’o ona servisu iha Aústralia no sei kontinua servisu iha kompaña Costa Farm iha area Hortikultura ho durasaun fulan sia (9).

Entretantu reprezentante traballadór, Armindo Pintu Ribeiru, hatete, nia parte kontente tanba liu-husi programa Sezeonal Worker ne’e, bele ba servisu iha Aústralia. 

“Objetivu ha’u nian mak atu hadi’a família uma laran nian, kontinua estudu no ajuda alin sira ba eskola,” nia hakotu LTS