PPN Aniceto: Prontu Fó Pose ba Ramos Horta Eleitu ba PR

Naunil Media (Díli), Prezidente Parlamentu Nasionál Aniceto longinhos Guterres Lopes prontu fó pose ba kandidatu prezidente Repúblika ho númeru sorteiu 1 José Manuel Ramos Horta bainhira eleitu ba prezidente Repúblika iha tinan 2022-20227.

“Ha’u prontu fó pose ba nia maibé karik bainhira nia lakoi mós ha’u la obriga, tanba nia dehan ha’u mak lakoi fó pose ba nia”. Dehan prezidente Parlamentu Nasionál Aniceto Longinhos Guterres Lopes bá jornalista hafoin remata ezerse ninia direitu  votus  iha EBC Farol, Tersa (19/4).

PPN hatutan, Karik bainhira nia la aseita ne’e problema ninian, la’ós ha’u nia problema, maibé problema lei nian, ne’ebé konfirma ho lei no ho desizaun tribunal.

“Ha’u prontu fó pose ba nia karik nia la rezeita, se bainhira nia rezeita mós hau la obriga, maibé atu kestiona ha’u nia legalidade tenke ho desizaun tribunal ne’ebé labele ho deklarasaun polítika para kestiona titular orgaun soberania ida ne’e ninia legalidade”, Dehan PPN. LTS