Governu Abandona Jornalista Liña Frente, PN Husu Governu Pagamentu Lalais
Naunil Media (Díli), Vice Prezidente Parlamentu Nasionál deputadu Luís Roberto hateten, Parlamentu ejize beibeik governu atu halo pagamentu lalais ba Jornalista liña frente, tanba orsamentu preve hotu ona maibé to’o agora seidauk halo pagamentu.
“Pagamentu ba iha media sira iha Parlamentu ne’e ejize beibeik ba governu atu halo pagamentu ba ita nia jornalista sira, ne’ebé iha media sira hotu tanba sira nu’udar mós primeiru liña, tanba ne’e mak Parlamentu husu beibeik i preve mós orsamentu iha ne’ebá, maibé ate agora seidauk halo pagamentu ba media sira”, Vice Prezidente Parlamentu Nasionál deputadu Luís Roberto ba jornalista sira iha Parlamentu Nasionál, Tersa (26/04).
Reprezenta povu ne’e hatutan, Nu’udar reprezentante povu iha Parlamentu Nasionál, ejize nafatin ba governu oinsá bele selu lalais Jornalista sira, no mós entidades sira ne’ebé tama iha liña frente, tanba orsamentu preve hotu ona no governu ezekuta de’it.
“Ami nu’udar reprezentante povu iha Parlamentu ne’e ajize nafatin ba governu, oinsá para bele selu lalais ba ita nia jornalisra sira inklui ba entidades ne’ebé mak seidauk selu, tanba ida ne’e orsamentu preve hotu ona ba para governu ezekuta de’it”, katak deputadu Luís Roberto.
Nia dehan, Parlamentu Nasionál ejize nafatin ba governu para atu aselera ba ema sira ne’ebé mak seidauk hetan pagamentu liuliu mak ba jornalista sira.
Iha fatin hanesan Ministru Assuntu Parlamentár no Komunikasaun Sosial (MAPKOMS) Francisco Jeronimo hateten, Problema tekniku dala barak ulun moras uituan, tanba orsida iha ministeriu finansas dehan katak ida ne’e labele, mas lei dala ruma fó dalan mas ministeriu finansas dehan labele, haruka halo pareser.
“Agora ami prontu hotu ona haruka fali, prosesu hotu haruka ba ona ba fali ministeriu finansas, ne’ebé despasu halo hotu ona hein fali finansas, dehan tan nusa se dehan katak failla tan dehan ne’e labele hadia tan”, tenik MAPKOMS.
Membru governu ne’e mós garantidu katak loos hotu ona, tanba haree ba lei dekretu lei ne’ebé iha halo tuir dekretu lei ne’e, ne’ebé halo tuir dekretu lei no haruka ona ba hein de’it desizaun ikus iha ministeriu finansas. *Jos
