Ministra Odete Husu Media Kontinua Transmite Vasinasaun COVID-19
Naunil Media (Díli), Ministera Saúde (MS), Odete Maria Freitas Belo, husu ba profesionál media nasionál no local atu kontinua transmite informasaun kona-ba COVID-19, nune’e Timor oan sira hotu-hotu bele intende hodi hola parte totalmente programa vasinasaun.
Membru Governu konstitusionál da-VIII foti kestaun ne’e tanba to’o agora sidadaun barak mak seidauk partisipa programa vasinasaun COVID-19.
“Media sira kontinua fahe informasaun ba komunidade sira, nune’e sira bele simu sira nia vasinasaun Covid-19 nian”, Odete bá jornalista sira iha Ministériu Solidariedade Social no Inkluzaun (MSSI) kaikoli, Tersa (03/05).
Governante ne’e, hatetetn númeru vasina kiik liu mak iha Munisípiu Ermera no Bobonaro, tanba ne’e husu ba líder e liu-liu servisu liña ministeriais atu servisu maka’as habelar informasaun ba públiku bele hola parte programa vasina-19.
Ministra ne’e apela, sidadaun hotu-hotu, feto mane tenki simu vasina simu vasina primeira dozes, segunda dozes hodi kompleta no hasa’e imunidade.
“Ita iha premeira dozes atinje ona 84,6%, segunda dozes ita nafatin manten 72,2%, tanba ne’e, presiza persentajen pelemenus to’o iha 80%, no vasina ita sei iha, Astrazenca iha 200 mill ital dozes no mós Sinovac ita iha 100 mil ital dozes”, informa Ministra ne’e.
Tuir dadus MS, kobertura vasina Covid-19 iha Timor-Leste, iha premeira no segunda doze ne’e, iha Munisipiu Aileiu premeira doze iha 81.1%, no segunda doze iha 65,3%, Ainaro premeira doze 82,2%, segunda doze iha 65,4%, Baucau iha premeira doze iha 85,7%, segunda doze iha 72,7%, Bobonaro premeira doze iha 82,3%, segunda doze iha 59,2%, Covalima premeira doze iha 95,8%, segunda doze iha 78,0%.
Iha Dili premeira doze iha 86,6%, segunda doze iha 81,5%, Ermera premeira doze iha72,.7%, segunda doze iha 57,2%, Lautem premeira doze iha 81,1%, segunda doze iha 67,7%, Liquiça premeira doze iha 80,6%, segunda doze iha 67,9%, Manatuto premeira doze iha 86,1%, segunda doze iha 66,7%, Manufahi premeira doze iha 86,8%, segunda doze iha 71,3%, Viqueque premeira doze iha 94,8%, segunda doze iha 83,9%, no iha RAEOA premeira doze iha 85,0%, no segunda doze iha 73,5%. Ana
