Despedida Ho Trabalhor Korea, “Matan Ruak” Muda Ita A’an, Muda TL Ba Oin

Naunil Media (Dili), Primeriu Ministru (PM), Taur Matan Ruak, partisipa serimonia despedida ho trabalhador selesionadu ba Korea do Súl, informa, La muda ita nia a’an, difisil atu muda Timor-Leste (TL), ba oin. Tanba Trabalhador Timor-oan hotu ne’ebe ba serivisu iha rai-liur atu lori nasaun lao ba oin  presiza hahu hadia uluk ita a’an.

“ Bainhira la muda ita nia a’an mak difisil ba ita atu muda Timor ba oin, Tamba hau nia oan no joven sira, ba servisu iha ema nia rai hetan abiente foun, hahalok foun, presiza lori ida ne’e mai iha ita nia rai TL”. Dehan PM, Taur Matan Ruak, bá jornalista iha otel Timor lodge Comoro, sexta (6/5)

Taur haktuir, Atu ba oin la’os de’it ema ne’ebé matenek no forte de’it mak bele ba oin, Maibe ba sira ne’ebé adapta muda sira nia a’an tuir ambiente no sistuasaun ida ne’e ba oin no lori ba future, hanesan Timor-Oan sira ne’ebé servisu iha rai liur.

“ Dezezu bo’ot ba hau nia oan sira ne’ebe atu ba servisu iha ema nia nasaun hanesan Korea-sul, tenki susesu iha imi nia servisu, keta haluha tamba imi husik hela rai ida ne’e iha imi nia kotuk, Mak Timor-Leste”. Nia akresenta

Nia hatutan, Hanesan trabailador Timor-oan iha nasaun Korea, no mos nasaun sel-seluk labele tauk atu servisu, Tamba imi la la’o mesak, maske familia no do’ok hosi Governu TL hosi imi nia matan maibe besik iha imi nia fuan, Tamba ne’e labele tauk no triste atu servisu iha ema nia nasaun li-liu Korea-sul no nasaun sel-seluk.

Sidadaun Timor-oan presiza hetan Forsa no kbi’it, atu infrenta. Tamba bainhira imi tama ona Korea, imi konsidera sidadaun Korea, Tamba ne’e tenki tuir hahalok ne’ebé sira halo.

Nasaun Korea iha Moto ida katak, Toba tarde hader sedu sei to’o uluk, ne’e hatudu katak disiplina, Tamba ne’e labele haluha ami hotu sei tau-matan nafatin ba imi, noakompania durante imi hala’o servisu iha Korea. LTS