Funu Ukraina-Rusia, Folin Sasan Sa’e Iha TL, Ramos Lider Tu’ur Hamutuk
Naunil Média (Díli, Funu entre nasaun Rusia ho Ukraina, ne’ebé dadauk ne’e namanas hela, mak impaktu ba ekonomia mundiál, kauza folin sasan nesesidade bazika komesa sa’e babeik iha Timor-Leste, (TL)
Nune’e Prezidente Republika (PR) eleitu ba periodu tinan 2022-2027, Jose Manuél Ramos Horta, apela ba líder sira hotu, atu tu’ur hamutuk hodi koalia kona-ba preokupasaun komunidade nian, li-liu ba folin nesesidade basika ne’ebé kontinua sa’e ba bebeik.
“ Kauza ne’e funu entre Rusia ho Ukraina mak impaktu ba ekonomia munidiál impaktu ona mai TL Tanba ne’e, Dehan PR eleitu Ramos Horta, bainhira remata hasoru malu ho Primeiru Ministru, Taur Matan Ruak, iha Palasiu GovernU, kinta, (05/05).
Nune’e hanesan PR eleitu, preokupasaun ma hasoru malu ho lidér nasionál hotu oinsa bele servisu hamutuk hodi kolabora ho intituisaun relevante inklui parseiru sira, Nune’e iha ansaun ne’e eme ne’ebé ki’ak ona labele ki’ak liutan, tanba sasan folin sa’e.
Nia sublina, bainhira simu pose nu’udar Prezidente Republika, tau prioridade sira ne’ebé sei tau atensaun iha situasaun ida agora ne’e mak evita labarik no inan isin rua atu labele hamlaha ba hahan.
“ Tanba situasaun umanitaria ne’ebe komesa sai ameasa fali ba ema hotu iha mundu, tanba iha Portu Shanghai hanesan portu ne’ebe bo’ot liu mundu, Governu Xina desidi implementa lockdown. Tanba, Covid-19 hahu aumenta fali iha sidade, nune’e fulan rua ka tolu mai tan Timor-Leste bele hasoru fali dezastre bo’ot ida.
“ Hau ko’alia ho Maun Bo’ot Xanana, Prezidente Republika, Primeiru Ministru katak, hau sei halo reuniaun ida ho sistema nasõens unidas tomak no sei lori fali ideias ruma ba PN, ne’ebe daudaun ne’e deskuti hela orsamentu hodi halo mudansa ruma, nune’e governu bele halo intervensaun ruma, atu populasaun sira labele falta ba hahan sira,” tenik nia.
Nia akresenta tan, wainhira simu tiha pose nu’udar Prezidente Republika sei buka solusaun ba problema ne’ebe hasoru, liu hosi hametin liu tan dame no mobiliza investidores hosi estranjeiru sira mai investe iha Timor Leste.
tanba la iha ekonomia iha nasaun ida depende de’it nia Orsamentu Jeral Estadu (OJE), maibé tenki iha investimentu neebe forti, nune’e ekonomia iha nasaun ida bele lao ba oin,”hakotu nia.Ana
