PM Kongratula PN Apoiu Governu-VIII Aprova OR 2022
Naunil Media (Díli), Primeiru Ministru (PM) Taur matan Ruak Kongratula Parlamentus Nasionál ne’ebé bele apoiu Oitavu Governu Aprova Orsamentu Retifikativu tinan 2022.
Tuir PM Taur Matan Ruak Hatete, Parbeniza ba Parlamentu Nasionál hahú husi Prezidenti Parlamentu Nasionál sekretáriu Meza, membru distintus deputadus sira hotu bazeia espesial ba deputadu ne’ebé apoiu oitavu governu bele aprova orsamentu retifikativu ne’e, no fundu orsamentu ne’e bele benefisia povu.
“Ha’u parabeniza Parlamentu Nasionál hahú husi PNN no membru hotu no distintus deputadus sira hotu bazeia espesial ba deputadu ne’ebé apoiu governu bele aprova orsamentu ida ne’e, nu fundu orsamentu ne’e bele benefisia ita povu no sidadaun sira”, dehan PM Taur Matan Ruak ba jornalista sira hafoin remata Debate OR iha Uma Fukun Parlamentu Nasionál, kuarta(11/05).
Nia afirma, Sustentabilidade fundu petroliferu ho ida ne’e garante sustentabilidade di’ak liu fali duké ida uluk, ne’ebé ha’u fo ezemplu ida hanesan fundu veteranus dadaun ne’e ita gasta kuaze $90 Millaun kada tinan fó ba veteranus la to’o rihun $30, Enkuantu iha verifikasaun lista agora ne’ebé trans rihun 124 mak halo hela verifikasaun.
“Ita hanoin tok rihun 124 ne’e mesmu metade de’it ne’e koresponde rihun 62 mak liu, osan sei sa’e, ne’ebé bainhira menus 30 mil besik ona 90 miloes ita bo’ot sira hanoin 60 mil ne’e hira fali, ne’e bele atinji 200 ital miloes dolares, no tau tan ida agora besik 90 miloes ne’e kuaze 300 miloes ne’e avontade”, PM Taur esplika
Taur hateten, Mekanizmu ida agora ne’e kontinua ita obriga ita nia Nasaun ne’e bankarota, tanba ita hasa’e osan maka’as los, i la’ós ba hotu-hotu maibé ba balu deit ita kontinua diskrimina sira seluk.
Enkuantu ho kriasaun fundu ne’e diskriminasaun hotu ita hakotu tanba ita nia oan sira ne’ebé uluk partisipa bele mós hetan, sira nia família no sira nia fulan nen bele hetan, tanba ita uja jurus, ida ne’e jerasional ne’ebé bele to jerasaun 5 ou 6 enkuantu fundu ida ne’e sei nafatin. LTS
