OXFAM Realizá Media Tour ba Jornalista TL
Naunil Media (Díli), Oxfam Timor-Leste liu husi projetu liu hosi dalan ba promove agrikultura no setór produtivu sira, hodi diversifika ekonómia iha Timor-Leste, no mós husi governasaun Dezenvolvimentu, durante ne’e apoiu husi lian ba oin servisu hamutuk jornalista Timor-Leste.
Tuir porta-voz OXFAM Delso da Costa Junior Informa, Hanesan grupu agrikultura ema ho defisiensia grupu joven sira, no inkliu servisu hamutuk ho grupu jornalista sira, oinsa habelar liu tan informasaun sira serbisu liga fali ho agrikultura sira hodi fó atensaun ba Governu katak importante duni Governu tenke investe iha setór agrikultura.
“Iha biban ida ne’e, Oxfam Timor-Leste, servisu hamutuk ho media Lafaek News ho AJTL no mós media sira husi instituisaun sira hanesan Naunil Media, Néon metin, Díli post,Radiu Rakamia, Radiu Liberdade,Timor-post, Jornal Independente, Lafaek news ho Guarda-mor, rttl, jornalista hamutuk sanulo (10)”, dehan porta-voz liu konferensia imprensa iha Oxfam Hudi Laran, tersa (10/05).
Nia hatutan, Programa ba media tour ne’e bá dala rua (2) da uluk iha Aileu ho Ermera iha tinan kotuk.
“Objetivu husi media tour ne’e atu explora informasaun sira ne’ebé liga ho atividade agrikultora nian, ne’ebé mak durante agrikultor sira halo iha baze”, katak nia.
Informasaun sira ne’e hodi informa ba polítiku na’in ka Governante sira, atu nune’e bele halo di’ak liu tan saida mak Governu halo hodi apoiu no dezenvolve ba setor agrikultor sira iha baze, liu-liu problema sira ne’ebé liga ba iha estrada, dehan nia.
“Media tour ne’ebe ohin Ita lansa hamutuk ekipa sira sei ba vizita ba iha munisípiu rua hanesan Ainaro ho Baucau hodi direitamente ko’alia ho toos na’in sira, no grupu joven sira ne’ebé envolve iha atividade agrikultura nian, inklui grupu feto sira no mós grupu ema ho difisiensia sira nune’e bele lori sira nia lian no sira nia hanoin ba iha públiku no lori ba to’o polítiku na’in sira”, katak nia.
Media tour ne’e Viajem ho ekipa sira lao durante loron rua iha munisipiu rua hanesan Ainaro ho Baucau, programa media tour nee realiza husi Oxfam iha Timor-Leste serbisu hamutuk ho Lafaek news no AJTL, no hetan apoiu finanseiru husi Governu Australia. Ana
