FEATUREDGeralIkus LiuNews

Tinan 20 Restaurasaun Independesia RDTL : VMAP Sai Inspetor Seremonia Iha Bobonaru

Fahe Tutan

Naunil Media (Bobonaro),Vise-Ministro Agrikulura no Peskas (V-MAP), Abilio Xavier de Araújo, sai inspitor seremonia  Restaurasaun Independesia bad ala-XX (20 Maiu 2002 20 Maiu 2022) iha Munisípiu Bobonaru.

Hafoin seremonia ba jornalista sira, V-MAP, Abilio Xavier de Araújo, louva tebes tanba selebrasaun loron importante refere iha tinan ne’e, partisipasaun máximu husi povulasaun.  

“Bobonaro diferente tebes , komunidade htu selebra iha ida-idak nia postu, Postu Maliana Komunidade barak mak selebra hamutuk, barak liu mak joven sira, hau Louva tebes”, hateten membru Governu konstitusional da-ualu iha Ginajio Maliana, Sesta (20/05).

Tuir Governante ne’e, joventude sira sentral ba dezenvolvimentu, tanba ne’e husu atu kria paz no unidede ba future ne’ebé prosperu liu.

“Wain hira ita nia dezenvolvimentu atu la’o, persiza kontribuisaun husi joventude”, tenik V-MAP, Abilio Xavier de Araújo.

Iha sorin seluk, veteranu Carvarino Soares Gama “Hakiak”, husu líder nasional sira atu fo oin ba malu hodi konsentra ba dezenvolvimentu.

“Ami hakarak, ita nia maun bo’ot sira atu lalika see kotuk ba malu, maibe tenke hamutuk haree ba povu balun moris sei terus”, dehan veteranu ne’e.

Abitante Casamiro Pereira Gomes, sente triste tanba ukun àn tinan 20 ona maibe povu barak mak sei moris susar.

“Ukun àn tinan 20 ona maibe buat barak mak presija Governu tau matan, liu-liu ba seitor agrikultura. Na’i ulun sira dehan tenke hasa’e ita nia produsaun maibe agrikultores menus traktor, husu Governu tau atensaun ba Agrikultor sira”, akresenta abitante ne’e.

Komemorasaun Aniversariu Restaurasaun Independensia RDTL 20 Maio iha Munisípiu Bobonaru partisipa másimu husi komunidade, estudante no Grupu Relijioju/as, enkuantu seremonia refere la’o ho di’ak tanba hetan seguransa máxima husi PNTL no F-FDTL. Agi.

Leave a Reply

Your email address will not be published. Required fields are marked *