PN Preokupa Fos ho Mina-Konsumu Folin Sa’e

Fahe Tutan

Naunil Media (Díli), Representante povo iha uma fukun Parlamentu Nasional, Deputada Virgina Ana Belo, preokupa sasan folin kontinua sa’e iha merkadu.

“To’o bainhira mak intervensaun husi governo liga ba situasaun folin sasan. Hau lamentavel tebes, mina-goreng, susu ben, fos no seluk tan nian, folin kontinua sa’e”, intrevensaun Deputada husi Bankada CNRT, ne’e iha plenaria Parlamentu Nasional, Tersa (24/05).

Tuir Deputada ne’e, talves komunidade iha Díli sei bele dada is, maibe iha munisípiu no area rural ho suku situasaun sente moris hetok susar.

“Ho hakraik-àn, husu favor Governu haree hela situasaun ida ne’e”, afirma nia.

Iha sorin seluk, Deputadu Bankada FRETELIN, Luis Geraldo Ximenes de Oliveira, hateten loron rua liu ba, Indonesia fo hikas lisensa mina explora fali, ne’e duni husu ba Governo atu bele haree atu bele kontrola didiak presu mina.

“Komesa semana oin, mina Bimoli normal fali ona, ita presija kontrola didiak”, Tenik Nia. Ana

Leave a Reply

Your email address will not be published.