Pursentu 48(%) Labarik iha TL Sofre Má-Nutrisaun no Ki’ak
Naunil Media (Díli), Prezidente Instituição Para a Defeza dos Direitos das Crianças, Dinorah Granadeiro, informa, Tuir dadaus ne’ebé iha Labarik iha Timor-Leste (TL) iha 48% mak sofre moras mal nutrisaun no ki’ak nia laran.
Nia hateten, Situasaun aktuál ne’ebé mak labarik sira hasoru mal nutrisaun no ki’ak nia laran.
“ Pontu importante iha relatóriu nia laran ne’e maka sai hanesan hakerek kona-ba situasaun atuál ne’ebé mak labarik sira iha TL hasoru. Ezemplu ida maka hanesan 48% labarik hosi totál pursentu populasaun iha TL ne’e moris iha mal-nutrisaun no ki’ak nia laran.” Dehan Prezidente Dinorah Granadeiro, ba jornalista sira, hafoin realiza seminiraiu aprezentasaun relatoriu, ne’ebé iha Ministeriu Finansas (MF),Tersa(24/05),
Relatoriu ne’e aprezenta ba Ministeriu hot-hotu kona-ba situasaun atuál labarik sira hasoru iha TL.
“ Objetivu hosi deziminasaun ne’e ba iha liña Ministériu sira liu-liu iha Diresaun Ministeriu do Planeamentu no Ordenamento (MPO), mak sai hanesan xave ba Ministeriu sira atu nune’e bele dezemvolve sira planu no orsamento,” Haktuir nia.
Hosi evidénsia ida ne’e estadu TL buka mekanismu hodi bele redus problema refere,
“ Hare’e ka foka liu ba situasaun labarik sira-nian liu-liu iha setór hanesan setór nutrisaun, saneamentu no Hijiene, dala barak setór hirak ne’e mak sai hanesan problema ne’ebé labarik sira hasoru, entaun estadu iha nia obrigasaun atu halo prevensaun no protesaun ba labarik sira hodi goja sira-nia direitu hanesan labarik.
Seminariu ne’e raliza tanba hetan apoia hosi Fundu para a Nasoens Unidas para Crianças (Unicef-sigla portugues) ho Governu Japaun. Mj4
