FEATUREDIkus LiuNewsPolitika

Família Traballadór ho SEFOPE Asina Deklarasaun Timor oan Na’in 41 Servisu iha Korea Súl

Fahe Tutan

Naunil Media (Díli), Sekretaria Estadu ba Formasaun Profesionál no Empregu (SEFOPE), liu husi Diresaun Nasionál Empregu Exteriór (DNEE), hala’o serimónia despedida no asina deklarasaun ho família traballadór Timor oan hamutuk na’in 41.

Aktividade ne’e hetan partisipasaun direta husi Sekretária Estadu SEFOPE no Komisariu Komisaun Anti Korupsaun (CAC-Sigla Português), Sekretariu Estadu Profesional Emprego, Embaixador Korea iha Timor-leste, Taballadóres no família traballadór sira.

“Objetivu husi Atividade ne’e atu hetan aseitasaun husi familia traballadór no Governu,” dehan Comisario Comição Anti Corupção (CAC) Sérgio de Jesus Fernandes da Costa Hornai ba Jornalista iha Hotel Timor Lodge, Kuarta (25/05).

Traballadór Timoroan ne’ebe servisu iha Korea do Sul hamutuk 4457 pessoas komesa 2009-2022 no iha tinan 2022 komesa husi fulan jeneiru to Maiu hamutuk 529 pessoas tama iha Korea do Sul.

Reprezentante Embaixador iha Timor-Leste dehan, Ba sira ne’ebe servisu maka’as no hatudu atitude diak, patraun sira sei aumenta kontratu to’o tinan 9 tamba salariu minimu iha Korea do Sul dadaun ne’e sae ba $ 8.00 no $ 9.00 Dolares kada Horas no kada fulan bele hetan $ 1.700.00 dolares.

“hau husu ba traballadór sira atu esforsu maka’as no hatudu exemplu di’ak ba Patraun sira iha Korea do sul,” dehan Reprezentante Embaixador Korea do Sul Yang.

Representante ne’e husu ba traballadór sira atu promove di’ak liu tan sira nia linguagem.

“Difikuldade ne’ebe patraun korea do sul hasoru mak, sira la bele halo kominikasaun di’ak  impaktu husi linguagem traballadóres nian,” Yang tenik.

Alarico do Rosario (SEFOPE) dehan, Governu Timor fasilita hanorin lian Korea de’it no husu ba sira atu hatudu disiplina, respeitu Kultura, Regras, kuidadu an tamba fatin servisu ne’e fo risku maka’as,  kuidadu no hadomi malu tamba ita mesak Timor Oan.

“Laos atu ba buka osan deit maibe tenke aprende atu implementa fali iha Timor, hanesan loke bisnis, restaurante atu hadia moris ba futuru,” Alarico Informa.

Iha Fatin hanesan, Familia husi Traballador Onorio Mau Lopes, Maria Bernardina Gomes Lopes informa, hanesan Alin nia sente kontente tamba oportunidade ne’e ajuda tebes ekonomia familia.

“Ba Korea tenke maneja osan ho diak nune’e fila hodi halo buat diak ba Nasaun,” nia expresa sentimentu.

Tuir ajenda, Depois de asina deklarasaun Traballadór 41 sei karantina durante 24 horas hafoin sae aviaun ba Kuala lumpur no Kontinua ba Korea do Sul. Mj2

Leave a Reply

Your email address will not be published. Required fields are marked *