FEATUREDGeralIkus LiuNews

Centro Chega!-Empreza Di’ak Asina Nota Entendimentu Formasaun Hakbi’it Ekonomia GS

Fahe Tutan

Naunil Media (Díli), Iha Edifisiu Centro Chega! Antigu Comarca Balide, Kinta (26/05) ne’e Centro Nacional Chega!I.P lidera hosi Diretór Ezekutivu, Hugo Maria Fernandes akompaña hosi Diretór Divizaun Solidariedade ba Sobrevivente (DSS), Nelson Miranda ho ekipa asina Nota Entendimentu ho Diretora Ezekutivu Organizasaun Sosiedade Sivil Empreza Di’ak, Joana da Costa Gusmão.

Objetivu hodi fó formasaun ba Grupu Sobrevivente (GS) kona-ba hakbi’it ekonomia hodi hatan ba rekomendasan Chega! no Pre Memoriam Ad Spem (PMAS), espesifiku iha area solidaridade ba sobrevivente, hanesan: Programa formasaun ba grupu no/ka sobrevivente.  

Diretóra Empreza Di’ak, agradese ba Centro Chega! ba konfiansa hodi fó formasaun ba Grupu Sobrevivente sira hodi hakbi’it ekonomia. Diretór Ezekutivu Chega! fiar katak Organizasaun Sosiedade Sivil Empreza Di’ak bele fó formasaun ba Grupu Sobrevivente ho di’ak.

“Espera katak, kolaborasaun ne’e sei dura ba tempu naruk, ami-nia formasaun foka liu ba negósiu, iha parte negósiu enkaixa mós promosaun, Marketing, nomós parte rejistu akontabilidade”, esperansa Diretora ne’e.

Nia esplika, “formasaun la’os susar tebes ba komunidade sira atu apriende, maibé formasaun ne’ebé ami fó partisipativu, grupu nia envolvimentu barak liu duke ami”.

Iha sorin seluk, Diretor Ezekutivu Centro Nasionál Chega, Hugo Maria Fernandes, hateten nota entendimentu refere hala’o tanba Empreza Di’ak iha ona experiénsia hodi akompaña grupu negósiu ki’ik, kuaze rihun-rua iha Timor-Leste.

“Grupu ne’ebé maka hetan ona apoiu finanseiru hosi CNC no apoiu tékniku hosi Empreza Di’ak bele la’o ba oin. Grupu sira ne’e CNC identifika mai-hosi sobrevivente sira, vitíma konflitu pasadu nian, balun loke kios, balun setór agrikultor, seitor pekuária, sei tulun sira iha vida ekonómia nian”, informa Diretór Exekutivu CNC ne’e. Mj5

Leave a Reply

Your email address will not be published. Required fields are marked *