Labarik Na’in Tolu Ho Defisiente Matan Hakarak Husu Tulun Ba Sira
Naunil Media (Maubara), Labarik na’in tolu ho kondisaun fisiku defisiente matan mak hanesan, Jeferson Olomali de Jesus Carion, Cela Ana Carvalho de Jesus Aleixo Martins, Rafael Carion Aleixo Reis, hakarak husu tolun ba sira nia moris.
Tuir nia ama kiik Dominica da Conseção, hateten durante oan kikuan na’in tolu moris mai ho kondisaun defisiente matan, inan aman soe malu hodi haketak sira na’in tolu.
“sira na’in tolu ne’e moris mai ho kondisaun defisiente matan, sira nia apa ho ama husik malu ona, oan sira ne’e hela hamutuk ho nia avô mane no avó feto, ami familia hakarak husu tulun ba sira na’in tolu nia moris”, dehan Dominica da Conseção nudar alin husi labarik na’in tolu nia ama ba Naunil Media iha aldeia Vatugili, Suku Maubara Lisa, Postu Administrativu Maubara, Munisípiu Liquiçá, (26/05).
Nia hatutan, oan na’in tolu ne’e defisiente matan hotu, ida feto koalia di’ak, lao di’ak, no mane rua ko’alia ladi’ak, ida lao di’ak, no mane ida labele lao tanba defisiente ain.
Jeferson Olomali de Jesus Carion ho tinan 7, Cela Ana Carvalho de Jesus Alixo Martins ho tinan 5, Rafael Carion Aleixo Reis ho tinan tolu 3, Nia haktuir.
“Sira na’in tolu nia apa ama ho kondisaun defisiente matan, sira kuda domin hodi fó aifuan domin na’in tolu ho kondisaun defiente matan hanesan ho nia apa ho nia ama, ikus mai sira na’in rua husik malu, no haketak malu labarik na’in tolu hela ho nia avô mane no avó feto” dehan nia.
Dadaun ne’e nia ama iha hela klibur defisnte matan, nia hanesan kantora, sira na’in rua soe malu durante fulan 7 ona, ida idak hela ketak ona, no labarik na’in tolu hela hamutuk ho nia avó sira, Nia hakotu lia. Lop
