METO : Tripulante Berlin Ramelau Laiha Kapasidade, Husu KAK Investiga Ró Haksolok
Naunil Media (Díli), Vise-Koordenador Movimentu Estudante Tane Oe-Cusse (METO), Mateus Lopo, hateten Tripulante Barco Berlin Ramelau laiha kapasidade no laliu husi konkursu públiku.
“Sira fo sala hela de’it mak natureza laiha logika tan ró ki’ik, sira ba la hetan dezaste soke maibe ro berlin ramelau ba soke dala rua ona hatudu katak sira mak laiha kapasidade husu troka tiha, loke fali rekrutamentu foun”, Vise-Koordenador METO, Mateus Lopo, ba jornalista sira liu husi konferensia ba imprensa, iha Portu Díli, Kuarta (26/05).
Oe-Cusse oan ne’e husu ba kapitaun sira iha Barco Berlin Ramelau atu integra ho Berlin Nakroma hodi bele hasa’e esperensia, tanba durnte METO observasaun, kompania mak halo tratamentu diak liu ba pasazeirus.
“Husu ba kapitaun sira iha Ró Berlin Ramelau atu ba aprende tan ho kapitaun sira iha Ró Berlin Nakroman, foin bele lori rasik, no husu mos Governu fo ba kompania mak gere to’o fulan mak Governu foti osan deit”, sujere Vise-Koodernador ne’e.
Estudante ne’e mos husu ba Komisaun Anti Korupsaun (CAC-Sigla Portugues) no Tribunal das Contas atu halo fiskalizasaun ba ró haksolok.
“Ohin dia 26/05 Ro Haksosok halo ona tina lima (5) tesi fita iha Portugal,tinan lima ona ne’e Ro Haksok seidauk mai hela deit ne’e hatuduka katak mosu korupsaun iha autoridade sira ne’ebe uluk ba halo kontaratu Ró refere”. Tenik nia.
Mateus Lopo preokupa ba osan vinte miloes ne’ebe hodi konstrui Barco Haksolok, maibe ate agora seidauk mai Timor.
Ikus liu, Oe-Cusse oan ne’e preokupa, “Hau hanesan sidadun no Oe-Cusse, tanba osan hodi hola Ró Haksolok ne’e mai husi orsamentu jeral estadu no proseau ba konstrusaun Ró ne’e to’o iha ne’ebe los, tinan lima ona mos Ró ne’e seidauk mosu tan mai”. Yor
