Trabalhador 28 sei Aranka ba Austrália
Naunil Media (Díli), Sekretaria Estadu Formasaun Profisional no Empregu (SEFOPE), ohin despedida no asina deklarasaun entre familia trabalhador ho SEFOPE kona-ba trabalhador Timor-oan nain ruanulu-resin-ualu (28) sei aranka ba servisu iha Australia ho durasaun kontratu Tinan haat (4).
Diretor Jeral SEFOPE, Paul Alves, hateten sira ne’ebe mak atu desloka ba Australia iha segunda agora, sira sei ba servisu iha kompanha meat feal/Koa Na’an ninian no total sira ne’ebe hetan rekrutadu husi Empreza Australia ninia fulan kotuk liu ba empreza sira mai halo rekrutamentu iha Timor-Leste sira konsege halo duni rekrutamentu ema nain lima-nulu (50).
“Husi lima-nulu ne’e sira nain ruanulu-resin-ualu mak sei ba uluk iha segunda agora,depois mai fali sira nain (26) ruanulu-resin neen sei ba iha 1 de junho sira hotu-hotu sei ba servisu iha fabrika koa na’an ninia ka meat feal,”dehan Director SEFOPE Paul Alves, ba jornalista sira hafoin halo despedida,iha fatin Timor-Plaza Maubara Room, Sesta (27/05).
Nia afirma tan, sira hamutuk 50 ne’e, maibe iha prosesu partila ne’e sira 28 mak ba uluk kompostu husi feto (2) rua ho Mane (26) rua-nulu-resin-neen.
“Mak foin dau-dauk passa bainhira kompanha ida husi Australia meat feal ninia mai halo prosesu selesaun iha fulan kotuk liu ba,”katak nia.
Nia akresenta, husi sira nain(50)ne’e nain haat mak sei teste fila fali ba saude ninia hodi hatene lolos sira nia moras ne’e, iha TBC ga lae tamba sira ne’e ema sei halo exame ba sira nia saude fila fali” Hakotu nia.Ana
