PR Ramos Horta Felisita, Don Virgílio Nudar Cardeal TL
Naunil Media (Díli), Prezidente Repúblika José Manuel Ramos Horta felisita Arsebispo Metropolitano Don Virgílio do Carmo da Silva, SDB nudar Cardeal da-uluk iha uma kreda Timor-Leste.
“Ida ne’e nudar orgulhu ida ba sarani sira iha Timor Leste, tanba Arsebispo Metropolitano Díli nudar mós kandidatu ida husi Cardeal na’in 21 ne’ebé mak anunsia husi Amo Papa Francisco”katak nia.
“Haksolok tebes ba dezisaun husi Sua Santidade Amo Papa, hodi nomeia Don Virgílio do Carmo da Silva, SDB nudar membru foun ida husi kolejiu Cardial nian”, dehan PR José Manuel Ramos Horta ba jornalista iha Câmara Eclesiatica Lecidere, segunda (30/05).
Nia hatutan, Ita fiar katak pronunsiamentu ida ne’e la’os de’it lori prevelijiu ba Arsebispo Metropolitano Díli Sua Eminensia Don Virgílio do Carmo da Silva, SDB nudar pesoal, maibé mós nudar honra bo’ot ida ba Igreja Katolika iha Timor-Leste.
Nomeasaun Arsebispo Metropolitano Díli Sua Eminensia Don Virgílio do Carmo da Silva, SDB nu’udar Cardeal da-uluk iha uma kreda Timor-Leste, loron Domingo Asensaun 29 Maiu 2022 liu husi orasaun Maria do Regina Coeli, Santo Padre Amo Papa Francisco XVI anunsiu konvokatoria ida iha 27 Agostu ba kriasaun Cardeal foun. Ana
