PR Ramos Horta Kondekora Medalla Merito Ba Atleta Na’in 4
Naunil Media (Díli), Prezidente Repúblika (PR) José Manuel Ramos Horta, kondekora medulla ba Atleta na’in 4 mak hanesan José B. Q. da Silva, Felisberto de Deus, Santina A. De S. Fernandes, Delio Anzaqeci Mouzinho, iha eventu SEA GAMES bá dala-XXXI iha Vietnam, foin lalais ne’e.
“Ohin sermonia simples ida liu husi atividade desportiva, kultural no literária kontribui ba hametin dame iha rai ida nia laran, iha nasaun barak mak Governu sempre buka lori desportu, para halo atividade ne’ebé kontribui bá orgullu nasionál no dame iha rai nia laran”, dehan PR José Manuel Ramos Horta liu husi nia diskursu iha palasiu prezidente Repúblika Bairu Pite, segunda (30/05).
Xefí estadu hatutan, Ita-bo’ot sira la’ós de’it atleta, maibé embaixadór boa vontade ba nasaun Timor-Leste.
Bazeia ba artigu 85 Konstituisaun RDTL alinea J,konjuga ho númeru 5 husi artigu 2 dekretu lei númeru 15/2009, PR kondekora atleta hirak tuir mai ne’e ho medalla méritu hanesan Atleta Delio Anzaqeci Mouzinho husi modalidade Boxing ne’ebé oferese medalla osan mutin, José B. Q. da Silva husi modalidade Boxing ne’ebé oferese medalla osan metan, Felisberto de Deus husi modalidade Atletizmu ne’ebé oferese medalla osan mutin rua, Santina A. De S. Fernandes husi modalidade Taekwondo ne’ebé oferese medalla osan metan.
Iha fatin hanesan,Vise-Prezidente Komisaun Olímpiku Nasionál Timor Leste (CEONTL) Mateus da Cruz hateten, Pela primeira vez atleta no treinadór sira simu kondekorasaun husi PR, ida ne’e hanesan orgullu bo’ot ba ajente desportista sira hotu no la’ós bá CONTL mesak, maibé pratikante desportu sira hotu.
“Atribuisaun medalla méritu ne’e motiva liu tán atleta sira no federasaun hotu atu book an no halo esforsu hodi bele hatudu prestasaun iha kompetisaun nasionál hodi bele reprezenta Timor-Leste iha jogu internasionál sira”, dehan nia.
Iha sorin hanesan,Atleta Atletizmu Felisberto de Deus hateten, Hanesan timoroan orgullu tamba bele reprezenta Timor-Leste iha jogu Sea Games no konsege konkista medalla osan mutin rua.
“Hau Agradese bá Prezidente Repúblika ne’ebé fó ona kondekorasaun mai ami, esperansa katak ho avô Ramos nia ukun iha tinan lima ne’e bele tau kondisaun di’ak liután mai ami”, katak nia. Ana
