KM Aprova Ona Lei Kooperativa
Naunil Media (Díli), Kuarta (01/06) ne’e, Konsellu Ministrus aprova projetu dekretu-Lei kona-ba altersaun dahuluk ba Dekretu-Lei nu. 16/2004, loron 1 fulan-outubru, ne’ebé aprova ona Lei Kooperativa nian sira, ne’ebé aprezenta husi Ministru Koordenadór Asuntus Ekonómikus, Joaquim Amaral.
“Ho alterasaun dahuluk ba Dekretu-Lei ne’e, introdús ona alterasaun balu ne’ebé bele sai nu’udar insentivu ida ba setór ne’e, tanba kooperativa sira importante tebes ba dezenvolvimentu ekonómiku Nasaun nian”, dehan dehan Presidência Konselho Ministro (PCM), Fidélis Magalhães,liu husi komunikado imprensa ba jornalista sira iha palasio do Governu.
Nia afirma, iha sekuénsia husi alterasaun ida-ne’e, Konsellu Minitrus aprova projetu Dekretu-Lei tolu, ne’ebé aprezenta mós husi Ministru Koordenadór Asuntus Ekonómikus, Joaquim Amaral.
Dahuluk maka projetu Dekretu-Lei kona-ba Kooperativa komersializasaun nian,Diploma ne’e atu estabelese rejime jurídiku espesífiku ba kooperativa komersializasaun nian.
Daruak maka projetu Dekretu-Lei kona-ba Kooperativa agríkola sira,Diploma ne’e atu fó espresaun legál ba tendénsia atuál no futura sira kona-ba alargamentu husi área tradisionál intervensaun nian kooperativa agríkola sira. No datoluk maka projetu Dekretu-Lei kona-ba Kooperativa peska sira. Diploma ne’e atu fó kuadru legál ida ne’ebé kompletu liu ba kooperativa peska nian sira, ne’ebé bele permite dezenvolvimentu peska sira iha Timor-Leste,”hakotu nia. Ana
