Plan Internasinal Selebra Loron Mundiál ba Labarik iha EBF Fomentu II
Naunil Media (Díli), Loron 01 fulan Juñu núdar loron mundial ba labarik iha mundu, inklui Timor-Leste mos konsidera hodi selebra loron importante refere, no iha tinan ne’e 2022 ne’e Plan Internasionál festeza hamutuk estudante husi EBF-Eskola Bázika Filial Fomentu II ho aktividade aktividade sira mak hanesan jogus nata krupuk, dansa tradisionál, lée poezia no seluk tan.
Kordenador EBF, António Pereira Ximenes, informa objetivu atu fo hanoin ba sosiedade hotu, katak labarik sira mos iha direitu atu asesu ba area edukasaun no area oi-oin, la haree ba rasa, kór isin, generu no religiaun.
“Parabens ba labarik sira iha teritoriu timor laran no husu atu estuda maka’as, tanba nasaun presija”, Koordenadór EBF, Antonio Pereira Ximenes, ba jornalista sira iha knár fatin, Kuarta (01/06).
Nia dehan, familia ho manorin labele hodi fíziku hasoru labarik, tanba ne’e konsidera violasaun direitu labarik.
“Dalaruma iha ema balun hakarak atu halo violensia sexual ho labarik sira minoridade, maibe ida ne’e viola ona direitu labarik nian”, tenik nia.
Tuir nia, loron importante refere, fo hanoin hamutuk luta hodi proteje labarik sira husi violasaun.
“Hau espera katak loron Internasional ne’e fo hanoin ba Sosiedade tomak atu iha koñesimentu di’ak kona-ba direitu labarik nian”, hakotu nia.
Estudante EBF ho total 860 ho manorin hamutuk 24 (voluntariu 7 no permanente 17). Mj2/Mj3
