RACS GH Informa Progresu Servisu Iha TL Ba PR
Naunil Media (Díli), Royal Australasian College Of Surgeons (RACS) no Global Health (GH) informa Progresu servicu no difikuldade iha Timor-Leste (TL), ba Prezidente Repúblika (PR) José Manuel Ramos Horta oinsá bele kontinua suporta servisu.
Lia hirak ne’e hato’o husi Xefe Head Of RACS Global Health Philipa Nicholson ba jornalista sira hafoin enkontru ho Prezidente Repúblika (PR) José Manuel Ramos Horta iha Palásiu Prezidensiál Nicolau Lobato Bairru-Pite, kuarta, (01/06).
“Enkontru ohin ho Prezidente Repúblika ko’alia kona-ba programa matan iha Timor-Leste no informa ba Prezidente Repúblika kona-bá Progresu servisu ne’ebé ami hala’o iha Timor no mós difikuldade ne’ebé ami hetan durante servisu ne’e mós kontinua servicu programa ne’e iha timor no oinsá mak bele kontinua suporta servicu ida ne’e,” dehan Diretóra Philipa Nicholson
Xefe RACS ne’e hatutan, Difikuldade ne’ebé durante ne’e sira hasoru mak nafatin ho pesoal saúde matan no mós doutor matan, ho nune’e sira fó edukasaun ba espesialista Timoroan sira oinsá bele hasa’e kualidade pesoal sira nian iha servisu.
“Difikuldade sira ne’ebé durante ne’e hasoru mak ha’u senti nafatin ho pesoal servisu saúde matan sira no mós infermeiro doutor matan sira, fó edukasaun ba sira iha Timor oinsá ami bele servicu ministeriu saúde para hasa’e kualidade pesoal servicu sira ne’e para bele fornese servisu matan ne’ebé kualidade ba ita nia komunidade iha Timor-Leste”, katak Diretora
Nune’e mós Dr espesialista matan Manoj Sharma espesialista matan no optamonolista ne’ebé servisu iha Timor tinan sanulu resin ona, servisu hamutuk ho Hospital Nasionál Guido Valadares, no progresu ne’ebé atinze ona mak fó kapasitasaun ba médiku jerál sira hodi hasa’e nivel edukasaun no mós post graduasaun ba iha area matan.
“Progresu servicu ne’ebé ami hala’o ona no rezultadu servicu ne’ebé ami hetan ona durante servisu durante tinan barak iha ne’e, servicu iha RACS nia okos atu fo capasity Building ba ita nia médiku jerál sira hodi hasa’e sira nia nivel edukasaun ba post graduasaun diploma iha area matan,” katak Dr Manoj Sharma
Dr Manoj esplika Servisu ne’e tinan barak ona wainhira primeiru iha 2013 espesialista matan nain ida, maibé agora iha ona espesialista matan timor oan nain-5 no iha mós Dr sira ne’ebé post graduasaun matan nain-8 ida ne’e mak Progresu ne’ebé RACS konsege servisu hamutuk ho ministeriu saúde, ho Hospital Nasionál Guido Valadares
Iha enkontru ne’e Prezidente Repúblika mós fó Mensajen no Xefe estadu mós hatene sira nia servisu fatin no hatene sira servisu oinsá iha timor no nafatin fó korajen ba sira atu Servisu, hanesan difikuldade sira ne’ebé infrenta durante servisu no Mensajen ne’ebé PR hato’o mak kontinua atu suporta para pelumenus haree took oinsá bele rezolve difikuldade sira ne’e iha servisu.
Nia dehan, RACS NGO ida ne’ebé nia baze iha Austrália ne’eba iha Melbourn servicu iha timor kuaze tinan 21 ona desde 2001, servisu iha ne’e no sira nia servisu barak liu ba edukasaun, ba médiku sira no sira la’ós servicu de’it ba servisu programa matan, maibé sira servicu mós hasa’e kapasidade médiku sira iha área espesialidade sira seluk hanesan pediatria no mós area sira seluk inklui matan rasik. *Jos
