FEATUREDGeralIkus LiuNews

Asosiasaun HAK Triste haree Labarik La Goja Sira Nia Direitu

Fahe Tutan

Naunil Media (Díli), Koordenadór Edukasaun no Públika iha Asosiasaun HAK Sabino Mendonca informa, Observasaun Sosiedade Sivil  liu-liu Asosiasaun HAK haree ba direitus humanos,  hanesan mós labarik sira nia direitu, tuir lolos ne’e labarik sira labele halo servisu, tanba labarik sira iha direitu ba halimar, edukasaun, saúde ho di’ak no seguru.

“Estadu tenke kria kondisaun ida oinsa asegura katak labarik hotu tenkeba eskola, tanba edukasaun ne’e importante ba ema hotu labele halo fali atividade Hanesan fan mantolun, pentolan no seluk tan”, dehan Koordenadór Edukasaun no Públika iha Asosiasaun HAK Sabino Mendonca ba jornalista sira iha nia knar fatin HAK Palapasiu, kuarta  (01/06).

Nia hatutan,  Wainhira ita lao iha estrada ita haree labarik sira fan hela manu-tolun, pentolan no seluk tan, husi labarik balun ami husu sira hatete katak inan aman mak haruka sira buka osan hodi sustenta família.

“labarik balun hetan ninian obrigasaun husi inan aman, tan ne’e estadu tenkE tau matan ba ida ne’e, tanba presaun inan aman, presaun famíliar ne’e estadu nia knar atu solusiona problema ne’e, atu nunee labarik bele goja sira nia direitu hanesan labarik no livre husi presaun sira”, katak nia.

Husu ba instituisaun kompetente sira ne’ebé haknar iha estadu nia okos, atu bele tau matan didi’ak no asegura direitu edukasaun no Saúde, atu nune’e labarik sira nia direitu ne’e labele hetan tan presaun, se karik mak estadu ignora hela buat sira ne’e hatudu katak viola ona direitus humanos, nia hakotu. MJ4

Leave a Reply

Your email address will not be published. Required fields are marked *