PR Horta : TL-Xina Tenke Aumenta Kooperasaun Seitor Agrikultura

Naunil Media (Díli), Prezidente Repúblika (PR), José Ramos Horta hateten Timor-Leste (TL) ho Xina tenke aumenta kooperasaun liuliu iha area agrikultura tanba Xina potensia ekonómia daruak iha mundu.

“Mas ha’u haree ke Timor-Leste ho China tenke haree aumenta liu tan kooperasaun liuliu iha area agrikultura, China potensia mundiál númeru dois (2) ekonomikamente i potensia aziatiku Timor iha Ázia ne’e duni Timor-Leste tenke sai hanesan prioridade ida ba ajuda Chinesa,” dehan Xefe estadu ba Jornalista sira hafoin remata enkontru ho Ministru Negósiu Estranjeiru no Koperasaun Repúblika Populár Xina Wang Yi, iha palásiu Prezidensiál Nicolau Lobato Bairru Pite, Sabadu, (04/06).

PR hatutan Timor-Leste presiza no hakarak ne’e mai husi guvernu nia programa, nu’udar Prezidente Repúblika apoia de’it guvernu nia programa no pedidu ba Xina, guvernu nia programa ohin mós assina akordu haat (4) iha area Agrikultura, saúde, para aumenta médiku China iha ne’e.

Aman ba nasaun ne’e esplika iha tinan hira nia laran bolsa estudu lubuk ida ba Timor oan sira estuda iha Xina, lubuk ida estuda medisina ne’e di’ak ba Timor-Leste no orgullu tanba Timor oan konsege tama iha eskola medisina iha Xina estuda ho língua Xina iha universidade sira ne’ebé lafasil ema atu tama mezmu ba ema Xines sira.

Iha enkontru Prezidente Repúblika ho Ministru Negósiu Estranjeiru husi Xina ne’e ko’alia liuliu ba relasaun bilateral ne’ebé tinan 20 ona, iha sorumutu ne’e PR Horta mós agradese no lori povu Timor-Leste nia naran ba apoiu ne’ebé Xina fo ba TL iha tinan 20 nia laran, apoiu bilateral no mós apoiu multilateral.

Tanba Xina nu’udar membru konsellu seguransa no membru primeiru konsellu seguransa Xina, uluk kuandu Timor-Leste presiza iha konsellu seguransa Xina apoia makaas liu husi sira nia partisipasaun direita, iha tinan 2000 sira haruka elementu mai iha ne’e, ne’e primeira vez Xina partisipa operasaun de paz ida.*Jos