FEATUREDGeralIkus LiuNews

USAID Ho Parseiru Dezenvolvimentu Sei Apoia Ekonómia Feto Iha TL

Fahe Tutan

Naunil Media (Díli), Diretora Misaun United States Agency fo Internationál Development (USAID), Zema Semunegus hateten,  Igualidade jéneru importante tanba ne’e sei hamutuk ho Parseiru dezenvolvimentu sira seluk hodi apoiu ekonómia feto iha Timor-Leste (TL).

“Ohin mós ami ko’alia ho Prezidente Repúblika Ramos Horta kona-ba assuntu importante ida mak Igualidade jéneru nian, i nia dehan katak ida ne’e importante i ami ho doador sira seluk no parseiru dezenvolvimentu sira mós apoiu ba ida ne’e, liu-liu apoiu oinsá mak hadi’ak situasaun ekonómia feto sira nia no mós halo sira bele rejilente liu tan,” dehan Diretora Misaun USAID ba jornalista sira hafoin remata enkontru ho Prezidente Repúblika (PR) José Manuel Ramos Horta iha Palásiu Prezidensiál Nicolau Lobato Bairru-Pite, Sexta (03/06).

Diretora Misaun USAID ne’e hatutan,  Sira ne’e kleur tebes ona desde 2001, no desde 2001 sira fó ona apoiu liu miliaun atus tolu lima-nulu (350) ba ajuda dezenvolvimentu Timor-Leste nian, sira fokus ba programa rua iha Timor-Leste nian ida mak kona-ba kresimentu ekonomika ka diversifikasaun ekonomika ida fali mak governasaun.

Zema esplika, Iha programa governasaun ne’e nia okos sira mós apoia hametin sistema saúde, iha sira nia programa ida kona-bá kresimentu ekonómika ne’e ezemplu di’ak,  ida mak sira halo ona lansamentu horseik aktividade tinan lima (5) nian ba apoiu autoridade aduneiru sira,  atu hadiak di’ak liu tan sira nia servisu no mós hafasil ema rai li’ur hatama sasán no apoiu ne’e sei bele sai transparante di’ak liu tan.

Nune’e mós enkaregadu negósiu embaixda Estadus Unidus Amérika (EUA) Tom Daley hatutan,  Furak tebes enkontru ho Prezidente Repúblika no bele ko’alia assuntu oioin liuliu kona-bá apoiu Estadus Unidus nian, ba dezenvolvimentu polítiku no ekonómia iha Timor-Leste.

“Ohin enkontru furak teb-tebes ho Prezidente Repúblika ami ko’alia assuntu oioin liuliu kona-ba assuntu apoiu Estadus Unidus nia ba dezenvolvimentu politiku no ekonómia iha rai laran, ami mós ko’alia klean liu kona-ba kooperasaun aktual ne’ebé hala’o dadaun no mós buka hela posibilidade ba kooperasaun iha futuru i ami prontu atu servisu hamutuk ho governu no Prezidensiá da Repúblika”, tenik enkaregadu negósiu embaixda Estadus Unidus Amérika .

Iha biban ne’e nia mós esplika kona-bá la kleur tan sei iha assinatura akordu Milenium Cellengs Corporation (MCC),  no programa ne’e ho guvernu Timor-Leste, programa ne’e sei foka liu ba área rua ida kona-bá bee no saneamentu, no ida ba edukasaun, ida ne’e sira sei oferese orsamentu mais ou menus miliaun atus haat rua-nulu (420).

Nia dehan,  Aleinde Timor-Leste komemora tinan 20 ba restaurasaun Independensia, sira mós komemora tinan 20 kooperasaun bilateral entre Timor-Leste,  no Estadus Unidus no sira nia kooperasaun durante ne’e bazeia ba pilar tolu ida mak belun, Parseiru,  no oportunidade. *Jos

Leave a Reply

Your email address will not be published. Required fields are marked *