FEATUREDIkus LiuJustisaNews

PR Horta: MP Instituisaun Importante Ba Justisa no Demokrásia

Fahe Tutan

Naunil Media (Díli), Prezidente Repúblika (PR) José Manuel Ramos Horta hateten, Ministeriu Públiku (MP), hanesan instituisaun pilar importante ba Justisa no demokrásia.

Xefe estadu hato’o lia hirak ne’e ba jornalista sira hafoin partisipa serimónia aniversáriu instituisaun Ministeriu Públiku ba dala-20, iha Salaun Nobre MNEK, Praia dos Coqueiros, sengunda (06/06).

“Eventu ne’e ita bo’ot sira hatene  selebrasaun institusionalizasaun Prokuradór Jerál da Repúblika, tinan ruanulu nia laran hanesan instituisaun sira seluk hahú ita bele hateten neneik-neneik harii instituisaun ida ke importante pilar bo’ot ida ba Justisa ba demokrásia”, dehan xefe estadu.

Prezidente Repúblika mós kongratula estadu ne’ebé hahú husi tinan 2002 to’o ohin loron, mezmu hasoru difikuldade oioin mak hanesan rekursu umanus la sufisiente nune’e presiza kualifikasaun.

“Mas iha tan difikuldade oioin difikuldade bo’ot mak rekursu umanus la sufisiente, rekursu umanus ne’ebé ho kualifikasaun akademika no esperiénsia professional, maibé parabéns ba sira hotu ba estadu no governu hahú iha 2002,  to’o ohin governu hotu-hotu ne’ebé partisipa instituisaun estadu, maibé hanesan instituisaun sira seluk tenke haklean liu tan aumenta rekursu umanus”,  katak PR

Iha fatin hanesan Prokuradór Jerál Repúblika Alfonso Lopez hatutan,  Ohin loron ba Ministeriu Públiku,  tanba bele selebra nia aniversariu ba dala-20 depois restaurasaun independensia.

“Ohin loron importante loron glória viva ba Ministeriu Públiku,  tanba 20 apos da restaurasaun, depois ita nia asembleia konstituinte aprova ita nia Konstituisaun entaun artigu 132 sita ka fó forsa ba Ministeriu Públiku para atu la’o vida ba Ministeriu Públiku nian”, dehan PJR

PJR haktuir ema hotu hatene katak hahu husi inisiu todan tebes intermus sasán laiha rekursu umanus uituan mas antesesor Prokuradór Jerál nasionál tantu inaternasional, maibé sira firme no lealdade kontinua la’o too ohin loron.*Jos

Leave a Reply

Your email address will not be published. Required fields are marked *