Aniversariu ISC ba dala 38, Inagura Edifisiu Foun Ida
Naunil Media (Díli), Prezidente Ezekutivu institutu edukativu kristal-Fundasaun kristal (IEC-FC sigla Portugés), Agustinho Dos Santos Gonçalves katak aniversariu institutu superior Cristal (ISC), ba dala 38 ne’e, prezente bo’ot ne’ebé fundasaun Cristal simu iha komemorasaun aniversariu ne’e mak edifisiu foun andar tolu.
“Prezente bo’ot ne’ebé fundasaun Kristal simu iha komemorasaun Aniversário ne’e mak Edifisiu foun Institutu Superior Cristal andar tolu, ne’ebé inagura husi Arcebispo Metropolitano Arquidiocese Dili Dom Virgílio Do Carmo Da Silva,SDB ami nia agradese wain no Onra bo’ot Fundasaun Cristal hetan loron komemorasaun Aniversário ba dala 38 mak prezensa Arcebispo Dom Virgilio nian ne’ebe nakonu ho domin hakat mai hamutuk to’o iha ami nia fatin familia bo’ot cristal haksolok boot tanba hetan vizita husi nai ulun bo’ot katolika Diocese Díli nian”,Dehan Presidente Ezekutivu IEC-FC iha nia diskursu iha ISC, foin lalais ne’e.
Prezidente haktuir, Ohin loron festa no loron ksolok ba fundasaun Kristal, tanba durante tinan 38 mak fundasaun Kristal hahú iha 5 Juñu 1984 to’o ohin loron.
Liu husi Institusaun Edukativa Kristal halao nia knaar nuudar edukador no evazelizador nafatin ho parseiru no governu RDTL, hodi halao edukasaun iha modalidade Ensinu Basiku too Institutu Superior no Programa Mestradu, dehan nia.
Iha fatin hanesan Vise Reitor Jacinto Oliveira Junior katak Investimentu dezenvolvimentu ba iha setór edukasaun mak investimentu ba rekursu umanu, oinsa mak prepara di’ak liu tan rekursu umanu iha Timor-Leste liu área edukasaun rasik.
Tanba ne’e mak Ohin loron institusaun ida ne’e marka tan istória ida hodi inagura sira nia Edifisiu foun ne’ebe ho pizes tolu(Lantai 3), atu bele prepara tan kualidade liu husi prepara sala de aula ne’ebe mak ho nia fasilidade kompletu.nia haktuir.
“Ami hanesan instituisaun edukativa ida ne’ebe mak privadu hakarak tebes kontribui dezenvolvimentu iha rai doben ida ne’e tanba ne’e mak ami hàmrik ona durante nia ezistensia 38 anos hakarak atu dezenvolve ita nia rekursu umanu Timoroan sira”,Dehan Vise Reitor.
Nia hatutan, IEC-FC hamrik no hakarak atu kontinua mak oinsa atu lori Timor-oan sira hotu liu-liu ba joven sira atu hateke Timor ne’e liu husi aspetu ne’ebe luan liu mak hare ba iha dezenvolvimentu.
Nunee Orsamentu ne’ebé gasta ba Edifisiu foun ne’e mak kuaze $1 milaun, no Edifisiu ne’e hahu iha tinan 2018 lansa fatuk dahuluk no finlaiza iha 2022, Uma ne’e rasik iha sala 16 iha sala ida sira fahe ba rua, tanba atu uza ba laboratoriu no fatin pratika no ba ba futuru sira iha mós klinika ne’ebé mak iha. LTS
