MF Rui: Reuniaun Parseiru Dezenvolvimentu Sei Ko’alia Kona-bá Rekoperasaun Ekonómiku
Naunil Media (Díli), Ministru Finansa (MF) Rui Agosto Gomes hateten, Reuniaun ho Parseiru dezenvolvimentu sira ko’alia kona-bá rekoperasaun ekonómiku (RE) oinsá Timor-Leste bele sosiedade ida ne’ebé rejiliente liu.
Lia hirak ne’e hato’o husi Ministru Finansa ba jornalista sira hafoin enkontru ho Prezidente Repúblika (PR) José Manuel Ramos Horta iha Palásiu Prezidensiál Nicolau Lobato Bairru-Pite, tersa (07/06).
“Ami informa katak tema ita nia reuniaun ba ohin tinan ida ne’e nian mak ita ko’alia kona-ba oinsá rekopera, ita nia ekonómia hamutuk oinsá para ita bele iha sosiedade ida ke rejiliente liu, rejiliente tanba ita hatene katak ita illa oan ida ne’e mós ita hetan impaktu makaas husi mudansa klimatikas, tantu ida ne’e ita presiza oinsá buka meus hamutuk ho ita nia Parseiru dezenvolvimentu bele alina programa sira ne’e, para ita halo ita nia sosiedade ne’e rejiliente, la forte liu wainhira hetan xoke sira hanesan mudansa klimatika no seluk tan ida ne’e mak ami informa ba excelensia”, dehan MF
Membru governu ne’e hatutan, Parseiru dezenvolvimentu ne’ebé mak partisipa iha reuniaun ne’e mak hanesan, Parseiru balun iha rai laran, balun non rezidente sira ne’ebé karik iha Singapur, iha Jakarta, balun sei akumpaña vidio konferensia, balun sei mai tantu Parseiru sira, no Embaixador sira ne’ebé iha rai laran no mós multilateral, sira hanesan Banku Mundiál, ADB, Jica, sira ne’ebé tulun Timor-Leste.
Nune’e Prezidente Repúblika mós aseita atu ba fó mensajen ida iha ne’ebá ko’alia kona-bá prespetiva Prezidensiál da Repúblika nian, ba dezenvolvimentu Timor-Leste nian aban bainrua halo nusa, tanba ne’e mak espera sei akontese iha Sexta feira.
Reuniaun Parseiru Dezenvolvimentu ne’e mós sei iha aprezentasoens lubuk ida mak hanesan sei lansa reteiru kona-ba polítika finansas públika, ko’alia mós kona-ba kadeia de valor mós mós produtu ne’ebé Timor halo too iha konsumidor sira, tantu adaptasaun klimatika no mós sei ko’alia kona-ba aspetu nutrisaun.*Jos
