Estudante UNTL Halo asaun Pasifika Hasoru Reitor UNTL
Naunil Media (Díli), Estudante Universidade Nasional Timor Lorosa’e (UNTL) halo asaun pasifika hasoru Reitor UNTL kona ba manual akademika ne’ebe maka nia pakote ho orientasaun akademika mai tarde no mos fasilidade sala de aula la sufisiente.
Senadu Fakuldade Ciencias Sociais (FCS), Antonio dos Santos Loco, hateten parte Universidade laiha jestaun diak, maske kada letivu simu estudante ho númeru bo’ot.
“Osan ne’ebe sira tau ba orientasaun sira la halo jestaun ne’ebe diak, sira nia jestaun la tuir tempu tanba ne’e mak ami hakarak mai ejije, atu estudante sira hotu bele hetan sira nia direito hanesan, hodi bele simu lalais sira nia almamater, kartaun estudante no seluk tan”, Antonio dos Santos Loco, ba jornalista sira iha Kampus Sentral UNTL, Kuarta (08/06).
Nia ejije, tenki iha rezultadu, Reitor tenki fo solusaun ba problema estudante sira.
“laiha solusaun ma fo fila estudante sira nia osan atu nunee sira bele selu kareta atu fasilita estudante sira ba eskola. Enkuantu manual akademika ne’e seidauk produz ka mai tarde”. Dehan nia. Mj4
