PR Horta Husu Estudante Mobiliza Povu Labele Soe Lixu Arbiru
Naunil Media (Díli), Prezidente Repúblika (PR) José Manuel Ramos Horta husu ba estudante sira ho imazinasaun no dedikasaun, hodi mobiliza povu atu labele soe lixu ba mota laran, nune’e udan karik bee labele tama komunidade nia uma.
“Ita bo’ot sira mobiliza to’ok ba, ita hahú ho ita bo’ot sira tantu imi idade 17, 18 no 20, 21 ho imazinasaun ho dedikasaun mobiliza ita nia povu tomak, para sira ne’ebé hela iha mota ibun sira ne’e labele soe lixu ba mota laran, tanba mota ne’e intupidu bee bele tama sira nia uma laran, tantu mobiliza ita nia povu ba iha fatin hotu-hotu lixu sira iha Timor tomak”, dehan PR liu husi diskursu bainhira halo abertura ba selebrasaun loron mundiál Oceano iha Kapus Engenaria UNTL Hera, kuarta (08/06).
Iha ambitu selebrasaun ne’e Prezidente Repúblika mós kongratula UNTL, liu husi Depertamentu Agrikultura peskas no mós sientista sira ho estudante halo inisiativa ida ne’e selebra loron mundiál Meu Ambiente Oceanos, iha natureza enjeral ne’e sempre di’ak para bele haree konsensializa sosiedade rasik, para rai kiik ida ne’e salva aan, salva natureza no kontribui ba Meu Ambiente iha mundu.
Tanba iha parte rua, ida rai maran tenke proteze floresta, proteze bee matan no labele tesi ai arbiru, labele soe lixu arbiru, soe lixu iha mota laran depois udan mai dudu lixu hotu-hotu toneladas-toneladas ba taxi no oho tasi ruin, oho ikan sira, Apelu PR Horta.
Xefe estadu hateten, Estudante lubuk ida universitariu totál rihun atus ida resin ho tan sira SMA sira, hotu-hotu estratéjia ida para konsensializa mobiliza povu iha Timor tomak, para ne’e hanoin bele Timor sai modelu ida ke di’ak rai ne’ebé moos laiha lixu iha mota laran no la tesi ai arbiru.
Horta esplika, Dala ruma fallansu lideransa nasionál rasik la halo kampaña persitente, tanba ne’e tenke halo kampaña makaas liu-liu husi média, liu husi autoridade Munisípiu sira tenke ko’alia ho Xefe suku, Xefe aldeia fó insentivu no fó multa ba sira ne’ebé la kumpri programa governu nian kona-bá Meu Ambiente. *Jos
