Naunil Media (Díli), Sesta (10/06) ne’e, Instituto Para a Defesa dos Direitos das Criança-(INDDICA) servisu hamutuk ho Diresaun Geral Estatistica (DGE-MF) no apoia husi UNICEF, hodi hala’o desiminasaun rezultadu Analiza ba Situasaun Labarik nian iha Timor-Leste ba Media sira hodi haforsa parseria hasa’e konsiensia sosiedade kona-ba importansia ba promosaun Direitu Labarik iha Timor-Leste (TL).
Iha abertura Presidente INDDICA, Dinorah Granadeiro, hatehe vizaun jeral kona ba labairk sira nia direitu ba saúde nutrisaun, saneamentu igene, edukasaun protesaun no partisipasaun, foka espesial ba iha labarik desfavoriso liu no iha familia.
“Informasaun sira iha sitan ne’e solidu tebes no sai hanesan evidensia forte no hanesan referensia, laos ba deit instituisaun governo maibe ami konsidera mos media hanesan fonte importante ida oinsa mos bele uza relatoriu sitan nee iha ita boot sira nia servisu loron loron hanesan matan tilun ba sosiedade iha Timor”, intervensaun Prezidente INDDICA, Dinorah Granadeiro, Salaun City 8 Haslaran.
Dinorah argumenta, “tamba nee ohin ita hamutuk iha nee ami husi instituisaun tolu responsabilidade ba sitan nee hakarak fahe ho ita bot sira atu uza sitan hanesan refrensia iha ita boot sira nia servisu loron loron nian liu liu oinsa uza dadus ne’e hodi hakerek notisia ida nebe ho diak sensivel ba labarik, nomos uza dadus nee hanesan evidensia lalaok implementasaun programa nebe mak ita nia estadu iha liu husi governo impementa”.
Tuir nia, INDDICA sei kontinua konta ho Media sira nia esforsu hamutuk atu bele hadia diak liu tan moris diak ba labarik sira iha Timor.
Atividadae refere hetan partisipasaun másimu husi Instituisaun Media Nasional sira no husi Radio Komunidade sira husi Munisípius. Mj2
