PR Horta Preokupa Impaktu Husi Krizi Global

Fahe Tutan

Naunil Media (Dili), Prezidente Repúblika (PR), José Manuel Ramos Horta,  Preokupa impaktu husi krizi global oioin ne’ebé sei mosu hodi ataka ema kiak sira nia baraka ne’ebé miseravel.

“Ita-nia povu sira mós sente impaktu husi krizi globál oioin no ha’u preokupa karik aat liu ne’e sei mosu no ataka ema kiak sira-nia baraka ne’ebé miserável”, dehan PR Horta liu husi diskursu bainhira partisipa enkontru annual ho Parseiru dezenvolvimentu sira iha Salaun Auditoriu Ministeriu Finansas Aitarak Laran, sexta (10/06).

PR hatutan,  Maibé sempre iha naramon iha túnel nia rohan maske iha tempu ne’ebé nakukun loos, bainhira ema hotu hamutuk iha vizaun nasionál ida no konkorda kona-ba meta ne’ebé bele implementa, Grande Opscoes do para 2023, artigu 30 oferese pontu de vista ampla kona-bá saida mak Governu propoin ba 2023 no tinan hirak tuirmai.

Horta mós fiar katak prosperidade natoon liu husi investe iha ekonomia ho turizmu sustentavel, baze iha komunidade ne’ebé nia prinsipál la’ós de’it iha riku sorin biodiversidade.

“Ha’u fiar katak ita bele hetan prosperidade naton liu husi investe iha ekonómia matak no azúl, ho turismu sustentavel baze iha komunidade, ne’ebé ninia atrasaun prinsipál la’ós de’it ita-nia rikusoin biodiversidade ne’ebé exesionál, ita-nia foho kmanek no istória sira, maibé mós ita-nia toleransia, no sosiedade abranjente ne’ebé halo illa ne’e sai fatin hakmatek no armonia iha diversidade”,  katak Horta

Xefe estadu parseria ho viziñu sira, besik no dook, ema hotu bele haksolok ho progresu to’o ohin loron, Timor-Leste harii ona demokraásia ida ne’ebé funsiona ho di’ak, iha mídia ne’ebé livre, no sosiedade sívil ne’ebé la kontroladu, nasaun ne’ebé iha dame, povu sira rekonsiliadu, kanek sira husi konflitu pasadu mairoia kura ona.

Aman ba nasaun ne’e mós dehan iha parte seluk, dalaruma la-sempre establese prioridade ho loloos, la-sempre investe ho matenek no sufisientemente ba buat ne’ebé ema hotu tenke valoriza liu, mak inan no bebé sira. *Jos

Leave a Reply

Your email address will not be published. Required fields are marked *