Idozus Maubara Sei Simu Subsidiu Loron 4 tó 12 Fulan-Jullu  

Fahe Tutan

Naunil Media (Maubara), Idozus sira iha suku hitu (7), Postu Administrativu Maubara, Munisípiu Liquiçá sei simu sira subsidiu  iha loron 4 tó loron 12 fulan Jullu tinan 2022.

Informasaun ne’e Naunil Media asesu liu husi ofisial pajina Facebook BNCTL Munisípiu Liquiçá, iha loron Sabado (11/06).

Iha pajina ne’e mós informa mós informasaun importante, Ba benefisiariu ne’ebé klasifikadu foun, sei fasilita atendimentu tuir orariu ne’ebédetermina iha leten.

Bainhira mai foti subsidiu tenke lori dokumentus sira mak haesan tuir mai, Elitoral Orijinal, ho Bileti Indentidade (BI) kopi tahan ida Foto medida 3×4 koloridu,

Ba sira ne’e moras labele la’o tenke mai halo deklarasaun husi xefí suku, no mós ba benefisiariu ne’ebé mate mós tenke ba halo deklrasaun ba xefí suku tenke koñesimentu husi administrador postu, no lori dokumentus mak hanesan ficha da família.

Karik orariu monu iha loron feriadu sei hadia atendimentu ba benefisiariu sira.

Orariu ba subsidiu kada suku mak hanesan Lisadila 04/7, Guico 05/7, Vatuboro 06/7, Gugleur 07,08/7, Maubaralissa 011,012/7, Vavíquinia 07,08/7, Vatuvou 04,05,06,/7, sei simu tuir suku ida idak. #Lop

Leave a Reply

Your email address will not be published. Required fields are marked *