Troféu iha Timor Durante Oras 6 De’it, Governu Halo Gastus $40,000.00
Naunil Media (Díli), Ohin Sabadu (11/06) ne’e, ho aviaun epesial Federsaun Internsional Futebool Asosiasaun (FIFA) lori troféu Kopa Mundiál to’o ona iha Airaportu Internasional Nicolao Lobato Comoro.
Aviaun epesial ne’ebé mak lori Trofeu Kopa Mundiál ne’e tun iha Airaportu Internsional Nicolao Lobato iha tuku 09:00 dader oras Timor-Leste hatun husi aviaun ho delegasaun husi FIFA.
Governo Timor-Leste nia preparasaun atu simu troféu Kopa Mundiál ne’e, ho totál orsamentu hamutuk $ 40.000 (Dolar Amerikanu Rihun Haat Nulu) husi SEJD no FFTL.
Legendariu futebolista Cristian Lali Karambeu tun husi aviaun no simu direta husi Prezidente FFTL no SEJD.
Hafoin atu hakat liu husi fatin (VIP), iha Airaportu Internsional Nicolau Lobato, simu kedas ho dansa tradisionál Timor Leste nian durante minutu balu Nia laran.
Tuir orariu Trofeu Kopa Mundiál ne’e iha Timor ho de’it oras 6, husi Airaportu sei hakat uluk ba Palacio Prezidente Nicolau Lobato Dili Timor-Leste. No sei iha sesaun foto nian, no Prezidente Repúblika, sei hato’o mós preves palavras molok.
Depois de remata iha Palacio Prezidente, kontinua kedas ba Estadion Munisipal Dili, hodi adeptus bolamania sira bele haree besik trofeu refere, no Futebolista Legendariu Cristian Lali Karambeu mak sei lori trofeu ne’e hodi hatudu ba Amantes hadomi bola sira.
Aleinde ne’e,mós Legendariu Futebool Karambeu mós sei hatudu nia asaun Futebool hamutuk ho jogador juvenil (sub-12) feto no mane.
Atarasaun ne’e hala’o hodi bele fó inspirasaun ba jogador sira iha Timor Leste liuliu ba foin sa’e sira ne’ebé mak iha talentu Futebool nune’e bele dezenvolve di’ak liu tan Futebool iha Timor Leste.
Vizita Trofeu Kopa Mundiál mai Timor Leste pela Primeira vez, trofeu ne’e iha Timor kuaze oras 6.
Enteretantu tuir observsaun jornalista Naunil Media.com iha resintu Airaportu Internsional Nicolau Lobato to’o iha Estadion ne’e hetan apoiu seguransa maxímu husi Polísia Nasional Timor-Leste (PNTL). Ana
