ANATL,Ep-FDCH Anúnsiu Inskisaun Bolsa Estudu
Naunil Media (Díli), Kuarta (15/06) ne’e, Diretór Ezekutivu Fundo de Desenvolvimento do Capital Humano (FDCH), Cristovão dos Reis ho Prezidente Konsellu Administrasaun Aeroportu no Navegasaun Aérea Timor-Leste (ANATL, EP), José Trindade da Cruz Pinto, akompaña hosi diretór sira ofisialmente halo anúnsiu ba públiku kona-bá vaga bolsa estudu ba timoroan na’in neen (6) ne’ebé sei ba hala’o estudu iha Politeknik Penerbangan (Poltekban) no Sekolah Tingi Penerbangan Indonesia (STPI).
Anúnsiu ofisiál ne’e hala’o liuhosi konferénsia Imprensa ne’ebé halo ho Media nasionál sira iha Sala VIP Aeroportu Internasionál Prezidente Nicolau Lobato.
Programa bolsa estudu ne’e ANATL,EP realiza tanba hetan atribuisaun pakote orsamentu hosi FDCH ho montante $31,233.00 ba programa bolsa estudu nian iha tinan 2022.
Rekursus humanus núdar fator determinante ida iha misaun ida ne’e, tanba ne’e, ANATL, E.P. aleinde investe iha parte teknologia modernu, ANATL, E.P. mós investe iha Rekursus Humanus.
Iha Tinan 2019 ANATL, E.P. servisu hamutuk ho FDCH rekruta ona Timor oan nain 6 (neen) ne’ebé daudaun ne’e hala’o hela sira ninia estudu iha Indonézia iha Politeknik Penerbangan (Poltekban) Indonézia no sei gradua iha tempu besik, tanba ne’e kontinuasaun ba programa ne’e iha tinan ne’e 2022 ANATL hetantan orsamentu husi FDCH hodi finansia kontinua implementatan bolsa estudu ba area aviasaun nian maka hanesan:
1.Gestão do Aeroporto/Airporto Management (Operasões Aeroportoarea ho Aviation Security) na’in 2
2. Airport Operation nain 2
3. Bombeiros do Aeroproto (Aiport FireFingting) 2
Entretantu selesaun ba kandidatu sira sei hala’o ba faze tolu hanesan (1. Simu no selesaun dokumentus ne’ebé sei hala’o hosi ekipa traballu ne’ebé kompostu hosi ANATL, FDCH-MESCC, (2. Ezame eskrita sei hala’o hosi ekipa ANATL, FDCH-MESCC no Poltekbang ho tipu matéria Test Potensi Akademi (TPA) no faze ikus liu mak (3. Entrevista ne’ebé sei halo direita hosi Poltekbang no sei observa hosi ANATL, FDCH-MESCC hodi garantia transparénsia.
Boseiru hirak ne’e ANATL investe nu’udar meius ida hodi prepara rekursus umanus nasionál ne’ebé atu koloka sira hodi hala’o servisu iha Aeroportu Internasionál Prezidente Nicolau Lobato, Aeroportu Suai no aeroportu sira iha Timor laran tomak, hafoin sira termina sira ninia estudu.
Informasaun kompletu no kritéria sira oinsá atu konkore ba vaga bolsa estudu ne’e bele haree direita iha kuadru avizu iha Aeroportu Internasionál Prezidente Nicolau Lobato (Torre Controlo nia okos) no akompaña mós iha Media nasionál sira. Karik atu komfirma informasaun ruma halo favor bele kontaku mai númeru 78088294 no 77008287 . Ana/Mj2
