Deputadu “Somotxo” Husu Aseleira Estatutu PNTL
Naunil Media (Díli), Prezidente Komisaun B Parlamentu Nasional (PN), trata asuntu Defeza, Seguransa no Negósiu Estranjeirus, Deputadu José Agostinho Sequeira “Somotxo”, husu ba institu relevansia sira atu hadi’ak estatutu Polísia Nasional Timor-Leste (PNTL).
“Estatutu PNTL sira to’o ohin loron sidauk hatente loloos, liu husi estatutu PNTL rasik mak ida-idak hatene ninia diretu no servisu, tuir dalan ne’ebé lolos, improtante ba ita nia nasaun”, Prezidente Komisaun ‘B’ PN, Deputadu José Agostinho Sequeira “Somotxo”, ba jornalista sira iha Uma Fukun, Kuarta (15/06).
Tuir Somotxo, mudansa estatutu atu haree problema barak iha PNTL, liu-liu diretu reforma, no seluk-seluk tan.
“Problema mak hanesan diretu sira ne’ebé tenke identifika hotu, tanba kuandu ita hanesan servidór do estadu ba nasaun ne’e, ita iha diretu, la’ós ita servisu hanesan kompañia, ita kuandu sai laiha diretu”, tenik deputadu e núdar mos eis-gerileiru rezistensia ne’e.
Reprezentante povu preokupa ba asuntu estatutu pesoál PNTL no importante tebes, maske iha mandate sétimu Governu halo esbosu atu aprova iha Konsellu Ministru, maibe laiha kontinuasaun.
“Ami mós komiasaun B ezije nafatin, pelu menus la’ós ita gaba aan dehan tenke halo iha ami nia mandatu. Importante tebes atu halo lalais estatutu PNTL”. Hakotu nia. Ana
