PM Taur Dezloka ba Li’ur Halo Tratamentu Saúde
Naunil Media (Díli), Kuarta (15/06) ne’e, Primeiru-Ministru Taur Matan Ruak, dezloka ba Singapura hodi halo tratamentu saúde iha Mount Elizabeth Novena Hospital.
Tuir rekomendasaun hosi médiku Ospitál Nasionál Guido Valadares nian, PM ho avião Batik Indonesia.
Liu husi komunikadu imprensa ne’ebé www.naunil.com asesu, “Durante pandemia COVID-19, Xefe Governu hala’o de’it check-up iha HNGV Díli, tanba ne’e, médiku HNGV rekomenda atu Xefe Governu presija ba tratamentu saúde iha Ospitál mais avansadu atu médiku espesialista sira bele kontrola di’ak Xefe Governu nia kondisaun saúde”.
Aleinde ne’e, hala’o hela tratamentu saúde iha li’ur, Vise Primeira-Ministra, Armanda Berta dos Santos mak sei asumi pasta interinamente.
Xefe Governu sei fila fali mai rai laran iha loron 29 fulan Juñu tinan 2022 ne’e. Ana
