Sarani Kepela Bairu Santo Antonio Iha Kimipu-Maubaralissa Agradese Ba Amu Paróquia Maubara
Naunil Media (Maubara), Tuir Xefí Suku Maubaralissa Anacleto da Costa hateten, Lori Sarani tomak Nia naran Agradese ba Amu Paróquia São José Maubara, ne’ebé Mak Mai halo ona bensaun ba Kapela Bairu Santo Antonio Kimipu iha Aldeia Vatugili, suku Maubaralissa, Postu Administrativu Maubara, Munisípiu Liquiçá.
“Nudar xefí suku ha’u lori sarani tomak iha suku ida ne’e liu-liu iha bairu Santo Antonio iha Kapela Kimipu, agradese ba Amu Paróquia São José Maubara, Padre Augusto Ermelindo ohin mai halo inagurasaun no bensaun ba Kapela ida ne’e, husu nafatin ba sarani iha loron domingu tenke mai reza”, Dehan Xefí Suku Maubaralissa Anacleto da Costa ba Naunil Media iha Suku Maubaralissa hafoin partisipa inagurasaun Kapela Bairu Santo Antonio iha Kimipu, Aldeia Vatugili, Suku Maubaralissa, Segunda (13/06).
Xefí suku ne’e hatutan, ami husu nafatin ba kada semana tolu Amu Mai nafatin halo misa iha Kapela Ida ne’e, nune’e balu ne’ebé mak seidauk sarani, no balu ne’ebé mak sei dauk simu sakrentu matrimónio atu sira bele hakbesik nafatin hodi sira bele simu sakrentu sarani no sakramentu matrimónio, nune bele hamenus ona ema jintiu iha bairu Ida ne’e.
Xefí Suku ne’e hatete, Kapela ne’e sarani sira mak harii ho sira nia kontribuisaun rasik.
“Kapela ne’e inisia husi sarani Bauru Santo Antonio, Kimipu iha Aldeia Vatugili, Suku Maubaralissa, Postu Maubara, harii iha tinan 2019, sira Halibur osan montante $3.000 mil”, katak Xefí Suku Anacleto.
Iha bensaun ba Kapela ne’e iha mós sakramentu sarani no mós sakramentu matrimóniu, hetan mós partisipasaun husi Komandante Polísia Nasionál Timor-Leste (PNTL), Komisáriu Faustino da Costa, hanesan mós uma Na’in, no mós sarani sira iha Suku Maubaralissa.
Molok atu halo inagurasaun ba Kapela ne’e rasik ba da-uluk simu Amu Paróquia ho símbolu kultural iha Suku Maubaralissa nian ho tara tais. Lop