Traballador Loja 15 Prontu Kompete iha NISSIN Gabin Cup Futsal 2022
Naunil Media (Díli), Atu Komemora loron Restauransaun Indepedensia Timor-Leste ba dala-20, Media Online Juventude Hadomi Desportu (JHD) realiza torneo “Nissin Gabin Cup Futsal”, ne’ebé sei kompete hosi Trabailador Loja hamutuk 15 iha Díli laran.
Prezidente Komisaun organizadora Francisco Lopez, hatete eventu Nissin Gabin Cup Futsal 2022 organiza husi Média JHD ne’ebe ho objetivu atu organiza traballador sira ne’ebe durante tinan barak kontribui ba atividade ekonomia iha Díli hodi komemora loron Restaurasaun independensia ba Dala XX.
Ekipa ne’ebé mak atu tuir kompetisaun ne’e mak ekipa ida ne’ebé mak rejistradu iha komisaun organizadora ka hetan konvite hosi Fortuna Lorosae
“Jogu ne’e ho objetivu komemora loron restaurasaun independensia Timor Leste ba dala 20” dehan prezidente Komisaun organizadora Francisco Lopez ba Jornalista sira hafaoin remata teknikal meeting iha Hotel Garden Beach Pantai Kelapa Dili, Kinta (16/06).
Nia afirma, eventu refere JHD Realiza ba dahuluk, no eventu la’ós ba klubu Profesional sira maibé ba traballador loja iha Dili Laran sira, atu diverte no konhese malu Liu Tan entre traballador husi kada Loja sira.
Liu husi teknikal meeting reprezentante, Khong guan Biskuit Factory Indonézia, Anrio Dilon, informa, eventu ne’e ba dahuluk ne’ebé mak sira hala’o ho Objetivu atu selebra loron Restaurasaun Independensia Timor Leste nian ba dala XX no ba futuru sei kontinua organiza eventu sira hanesan ne’e núne’e bele hametin lasu amizade entre loja sira iha Dili laran.
“Eventu ne’e ba dahuluk hala’o hodi selebra Loron Restaurasaun Independensia Timor Leste ba dala XX no bá futuru ita sei kontinua realiza para Trabalhafores sira bele konhese malu di’ak liu tan” dehan
Totál loja hamutuk 15, mak partispa iha eventu refere no jogu ne’e sei hala’o ho sistema bota fora ka lakon sai.
Tuir orariu jogu sei hala’o de’it durante loron tolu hahú husi loron 17 aban to’o loron 19 fulan Junho tinan ne’e no sei hala’o iha Kampo Futsal Bebora.
Iha jogu abertura sei loke hosi Loja Meimart 2 kontra ANY Balibo 1.
Klubu ka loja 15 ne’ebe mak atu partisipa ne’e mak hanesan tuir mai Loja W-Four, Jacinto Supermercado, Loja Yang, Loja ABC 1, Loja ABC 2, Loja Balibo, Loja Starking, Meimart 1, Meimart 2, Lucky Strike, Jacinto Supermercado 2, Fortuna Lorosae 1 no Fortuna Lorosae 2.
Eventu ne’e,JHD organiza Tanba hetan Apoiu fundus husi PT Abadi Corak Biskuit Factory Indonézia ho totál orsamentu hamutuk $2,950 USD.
Premiu ba Kampeaun Primeiru Lugar sei hetan Osan montante 500 dólar ho Tasa no segundu Lugar seie hetan fundus 300 no terseiru Lugar sei hetan Osan ho montante 200,”hakotu nia. Ana
