FEATUREDGeralIkus LiuNews

SEJD-APFTL Sosializa Kompetisaun Joven Inspirador

Fahe Tutan

Naunil Media (Díli), Sesta (17/06) ne’e, liu husi Salaun Magna, Sekretaria Estadu Joventude no Desportu (SEJD) servisu hamutuk ho Alumi Parlamentu Foinsa’e Timor-Leste (APFTL), realiza workshop ida kona-ba Kompetisaun Hakerek no Video ba Joven Inspirador.

Aktividade workshop ne’e partisipa husi grupu kreativu jovens, house production, instituisaun media iha nasionál.

Ba jornalista sira, Xefe Departamentu Formasaun no Kreativu-SEJD, Elvis de Almeida, esplika SEJD realiza programa refere servisu hamutuk ho APFTL núdar parseria.

“Ba programa ne’e SEJD aloka orsamentu hamutuk 28 mill dollares amerikanu hodi realiza ba kompetisaun Hakerek no Video”, tenik Xefe Departamentu ne’e.

Iha sikun seluk, Reprezentante APFTL, Cezar Pereira Amaral, hatete oportunidade ne’e nakloke ba jovens hotu esperitu ba hakerek no halo video bele registu.

“Atu ba entrevista ho hakerek no produs video ba joven sira ne’ebe susesu ne mak minimu idade tenki tuir politika Nasional Joventude nian 15-24, mais la taka dalan mos ba sira ne’ebe idade 25-35”, dehan Cezar.

Programa refere realiza ba da-ruak nian, iha ne’ebé programa dahuk hala’o iha tinan kotuk. Enkuantu kona-ba premiu, hakerek istoria nian osan ho montante U$ 1,500.00 to’o U$ 2,000.00.

Premiu ba produs video, U$ 3,500.00 to’o U$ 4,000.00, iha seleksaun ikus iha fulan Dezembru no sei hili de’it hakerek Istoria 2 no Produsaun Video 2 hamutuk 4.  Mj4

Leave a Reply

Your email address will not be published. Required fields are marked *